جذابه

لتكولين أحبك أنتي جذابه (http://www.msh7ot.com/vb/showthread.php?t=18011)..؟

ولاتبجين...جرح كلبي جمر مايبرد أصوابه

ما صدك بعد بدموع عينج هاي

غابه أنتي ...

وبعد هيهات أعيش انه بوسط غابه

لتحلفين...أنه وكلبي تعاهدنه

وقفلنه الباب..

وتحالفنه بعد ماينفتح بابه..

يجذابه...

صدك رف كلبج الغيري...

وحجيتي وياه...ومن عينج ترس عينه

وصحيح أبدين شوكي الكتب قرأنج

كفرتي ورحتي يم دينه...

غازلتيه...

كتبتيله رسايل شوك

أحبك هم حلفتيله

هم أنته الهوه الأشتمه كلتيله

طلعتي وياه...

باس أعيونج الحلوات

سولفلج ضحكتيله..

سهرتي وياه..سولفتي

شعر بالليل عالحب ..عالغزل..عالشوك

هم مثلي قريتيله...

هم (خصلات) من شعرج هديتيله...

هم نمتي أعله جتفه...

هم شكيتيله..

هم ( باباتي) كلتيله

هم كلتيله أحبك هم ضحكتي وياه

هم غازل الشفه الجنت أغازلهه

هم كلتيله عمري هم كعدتي وياه

هم كحل العين الجنت أكحلهه

هم كلتيله روحي

هم مشيتي وياه

هم عدل الكذله الجنت أعدلهه..

هم كلتيله ماأنساك

هم كلتيله كون أكظي العمر وياك

هم كلتيله ماأسوة ..انه بلياك

جذابه....يجذابه

عزيزي وائل الدعمي
قصيدة جميلة
ومعبرة
وكلمات تلتهب بجمر الخيانة
الخيانة هذا الكابوس المرعب
الذي يكدر صفو حبنا وبراءته
ويجرح فينا كل عاطفة صادقة او نبيلة فما الذي يبقى
لنا بعد الخيانة .......؟؟؟؟؟؟؟؟!!!!
مالذي يبقى لنا سوى جراحاتنا الدامية عذابا
وانكساراتنا النازفة الما ....!!!!!
عزيزي وائل
اثني عليك اختيارك لهذه القصيدة
تحياتي

عاشت ايدك عزيزي
نورت المنتدى بعودتك الينا وحياك الله

قصيدة جميلة بمعانيها حملت
الشكوى والعتاب والألم الي يخالج الروح من غدر الحبيب

اختيار مميز
كل الشكر لك ولجميل مانثرت
مع اطيب تحياتي لك