اشكثر عاشرنا حلو طباع لجن مانقص تقديرك
ولو مره اهد روحي جا روحي اجت مهظومه تشكيلك
موتدري القلب انته وشراين القلب تدري شرايينك
موتدري الفكر انته وتفكير العقل يفلان تفكيرك
موتدري الجروح هواي لن الروح مذبوحه بسجاجينك
شسولف كلي شحجيلك وعن ظيم الكلب يفلان ششكيلك
اسولفلك على الغربه وعيني البلهجر ظلت ترابيلك
اذكرك......؟ خل اذكرك
اذكرك من برد ليلك مو جلماتي الجانت تدفيلك
اذكرك لو نزل دمعك موش انه الجنت يفلان اغنيلك
اذكرك لو جفاك النوم موش ازنودي الجانت تلوليلك
اذكرك لو جعت مره مو من لحمي جنت اكطع وواديلك
وجفيت وبقت روحي بنار...........ولمن ضكت هاي النار؟
راجعلي شسويلك...؟
خلي انعيش بلذكرى وادكلك بلكلب بسمار اعلك بيه تصاويرك

بقلمي زهير العقابي

في البداية بودي ان ارحب بك في ربوع الفرات
ونتمنى لك الموفقيه والأبداع والتألق
اخي زهير بداية موفقه
وقصيدة رائعه جمعت بين جمال الأحساس واناقة الكلمة
تحياتي لك وننتظر منك الأجمل

بوح عذب
وألم تخلل السطور فألهبها

تحياتي للعقابي ولجميل مانثر
وكل الشكر لك على هذه القصيدة وجمال المعاني

دمت بخير
مع اطيب تحياتي لك عزيزي

جميل جدا اخي زهير العقابي اتمنى لك التوفيق والاستمرار
وتقبل تحياتي
اخوك ابو سجاد العتابي امريكا

ما منتظر كل اطراء ولا كلمة مديح انتظر منكم.....
اكبر جائزه ليه وتحلي اشعاري كلمتكم.....
يل بيكم اطيب اجروح وحلت عيني بشوفتكم.....
اخوتي انتم ورفعة راس وتشرفني خوتكم...

زهير العقابي