السلام عليكم


يشرفني

ان اكون بينكم


وشكراً للاستاذ الشاعر حسام الصياح على الدعوة





يمرني الليل شايل بيدة ذكراك



وأحنلك حنين الشالته النوگ




وأشرب من صورك نخب الوداع




وأشمنك عذيبي بصدر مخنوگ




تعال اعليك جرحي وشوفني شلون ..




الك زارع محبة بصفنة الشوگ




تعال وخل اصير بحظرتك طير




ومن شجرة وصالك اخذ اعلوگ




جثيرة أحلوگ كالت چنه عافاك .!!




تعال ارجوك سكت هاي الحلوگ




تدريني اعله دربك زارع الروح




وعله حايط خيالك چفني مدگوگ




أفتوگ ايام حزني تسلم أعليك ..




منو غيرك يجيني يشل الفتوگ ؟




لغيرك ما كلت صدگني مشتاگ




والمشتاگ بس لشخصك تلوگ




تعال العين ظلت تطلگ اهات




وخايف ماتجيني ويقوة الطلوگ




الك شجرة عشگ زارعهه بالبال




وبيهه الساگ يسمع صوت العروگ




أتنيك بدمعتي اوحشة البيت




بصفنتي ويالشعر بأحساس محروگ




صده صوتي يفزز حته الگبور




عجب مو گلب عندك چنه طابوگ




يا صندوگ لم احلام السنين




يا مفتاح يرهملك يصندوگ ؟؟؟




تعال وياك اخذ ثار الدموع




ومن غيرك عليه تضيع الحگوگ




استوة تمر المحبة وياك بس ليش




ما شفت التمر بس اسمع عثوگ ؟؟




يا سوگ المودة الحاكر الشوگ




بعت روحي وأجيتك اشتري السوگ

وعليكم السلام ورحمة الله وبركاته
واهلا وسهلا بك اخي رعد الفياض ونتمنى لك اوقات سعيده ومثمره
في ربوع فرات الأبداع
لي ملاحظة / ارجوكتابة منقول تحت المشاركة المنقوله منعا للحذف
تحياتي

شكرا لك رعودي
لقد ابدعت
عاشت ايدك

وعليكم السلام ورحمة الله وبركاته
واهلا وسهلا بك اخي رعد الفياض ونتمنى لك اوقات سعيده ومثمره
في ربوع فرات الأبداع
لي ملاحظة / ارجوكتابة منقول تحت المشاركة المنقوله منعا للحذف
تحياتي

شكرا لمرورك وترحيبك


بس اخي كل ما انشر هنا هو بقلمي انشاء الله

شكرا للاهتمام ودي

قصيدة اكثر من رائعة طيب الله انفاسك

الله يارعد كلمات هزتني صراحة
وكأنك تحاكيني
فعلا معزوفه اطربت لها القلوب الملتهبه بالشوق
اهلا بك بيننا اخي
نبارك لانفسنا هذا اليراع النابض
لاعدمناك ولاعدمنا هذا الفيض الجميل
تحياتي الخالصه