اسف على اللي راح واسف على الجاي
واسف على ما صار منـي وسويـت

ارجوك سامحني على كثـرة اخطـاي
وارجوك تغفـر زلتـي يـوم زليـت

وارجع تراني راجع لك مـن اقصـاي
وان ما قبلت برجعتـي لـك توفيـت

اثرك معك صبـر وعزيمـه لفرقـاي
وانا احسب ان مالك امـل لوتحديـت

خابـرك لذنوبـي ولخطـاي نسـاي
معقول لك عـدة ليالـي ماسجيـت!!

جلست افكر في غيابـك وش الـراي
وحسيت مدري ويش انافيـه حسيـت

حسيت في ذنبي وفـي عظـم بلـواي
وان الفراق يقول لي وينـك امسيـت

اخطيت في نفسي وفي وصفـة دواي
وانا من جـروح الزمـن ماتشافيـت

حاولت أصلح غلطتي بس ما امـداي
حتى إعترفت إني تجاهلـت واخطيـت

والحين جيتك مندفع لك مـن اقصـاي
وإن ما قبلت برجعتـي لـك توفيـت






ممـــــــا راق لــي
لقلبكـــــم
مدائن السوسن...


http://up.foraten.net/uploads/410b257b26.gif

http://www.rjeem.com/up/images/do5i5w0o6bwdc9jd3yu.gif

الورده الجوريه ..... عطرك ..وشداه عطر ارجاء المنتدي كله .... لكي من الورد اطيبه
ادم 22