ذخر أنوار أهل البيت نور بكل وكت ظاهر
محمد سيد الاكوان وبنته الكوثر الوافر
علي ويه الحسن وحسين والسجاد والباقر
وموسى اليجبر الخاطر
وسولف على الرضا وبنه الجواد العالم الباهر
وتباهى بعلي الهادي وبنه العسكري المهيوب المايوصف ضواه شاعر
وكله لبو محمد مابين صبح باجر
أها(ومالاح هلاله ويمته الغايب يظهر)

ضاكت حيل بن الحسن أوضلمت دنياي
أريد الشور منك والبصر والراي
أخاف من السفينه تغوص حدر الماي
أها(لاني مرافج جاريه ولاني بعكس الماي مغرب)

ريت أبو جاسم محمد حاضر ويشوف
بيوم طب عباس لوادي الطفوف
سهم وسط العين طايح وبترت من عنده الجفوف
أها( وبترت جفينه الجان محير الملعب)

ترى السكان تيهناه وينك يبن داح الباب
رعيد ومطر نص الليل ظلمه والدليل أرتاب
يحك لي أبجي على روحي وحطن فوك راسي تراب
أها(وظلت مالومه الروح تناطر جيتك)

دمدم بالكلام وماتفهم الناس
رد الشمس بيده وحطه فوك الراس
أنظر لعد حيدر علمه ماينقاس
أها(علم وتعليمه منزل من الباري)

السلام عليكم اهل بيت النبوة ومهبط الوحي
بارك الله فيك اخي مالك وجزاك عن اهل بيت النبوة خير الجزاء
دمت بحفظ الرحمن

مشكور عزيزي
على هذه الهوسات والنقل المميز
وعطر الله انفاسك

بارك الله فيك وانالك شفاعة الحبيب المصطفى واهل بيته الأطهار
مع تحياتي لك

حلوووووووووووووووووووووووووووووبارك الله بك

السلام عليكم عزيزتي وأختي الغاليه أم فيصل وأخي وعضيدي السومري والاخ الفاضل سامي مشكور أنا عاجز أن أرد عليكم بكلمات الثناء والشكر لأنكم بحق أخوه في الله أسال منه تعالى أن يديم الفرحه في قلوبكم ويرزقكم حسن الخاتمه ومرافقت رسوله الاكرم وأهل بيته في مصافي جنانه أنه سميع مجيب