صعد صوت وتعلى يصيح يــــــازهراء ظلمة الدنية صارت حيل من فكدج

ورحتي انتي بحزن من صدت الانظار...... لعيونــــــــي ييمة وياحزن عندج

محتـــــــار بغيابج بي حزن اســـرار ..... يمة اشلـون يزهي النور من بعدج

********

على اعتاب المنابر صوت ينعة الصوت ...... بدموع وحزن واتواسي ابو الحسنيــن

ونزل منبر كلب بي بجه وجه الكـــون ..... ومطر بدموعة صار يواسي اهل الديـن

كل الينعة ينعة الفكدة الزهــــــــراء ..... بس ذاك الكلب وحدة انكســــم نصين

من كثر النعي والنوح بجة اعيـــــون ..... بجاها العيون اعيون صارت للمنابر عين

منها ادموع طاحت حفرت اعلى الكاع ..... وصار اكبر نهر وجروف الة جفيــــــــن

ورسم بين الجروف اطهر ظلع مكسور ...... وجرح ذاك الضلع من عندة خط اثنين

خط اول جرح خلة بمجانة ارمـــــاح ......او وضــــح كل رمح مو راس الة راسيـن

وخط اطهر خلائق صارت ابــلا روس ..... مو ضلعي يكول انقيســة بين وابيــــن

بين حسين ابني وسلـــوة الوجدان .... وكسر ضلعي الينوح النحرة ينعة ونين

البسمار وي البـــــــاب كل مصاب..... كلشي يهون من غدر الوكت والبيــــن

بس امصاب عشرة عـــــاشر بعاشور .... يبقى الجيل واجيال شتـــــــدور سنين

لا لتنوح واسي فاطمة الزهــــــراء ..... لان حتى الضلع واسـاها لجل حســــين

هل دمع الحزن بالهم علينــــــــة

ابفكد زهرة نبينة ودر علينــــــة

نواسي حسين بس وصت علينة

نواسيها على حسين وأخيــــــــه



*******

خادم اهل البيت عليهم السلام

foraten.net/?foraten.net/?foraten.net/?foraten.net/? رفيش

اللهم صل على محمد وآلم محمد وعجل فرجهم والعن عدوهم
والصلاة والسلام على الحورية الإنسية أم ابيها فاطمة الزهراء بضعة الحبيب المصطفى وحليلة وصي رسول رب العالمين

وعظم الله لك الأجر عزيزي على هذا المصاب الجلل
نسأل الله لنا ولكم شفاعتها يوم الورود

قصيدة رائعة
بارك الله فيك ودام لنا تواصلك وعطاءك
مع اطيب تحياتي

اللهم صل على محمد وعلى ال محمد

تسلم اخي الكريم

وفقك الله وادام لنا هذا الابداع

بالتوفيق

شكرا لمروركم احتي واخوتي في الله حقا تقبلوا تحياتي وامتناني وشكري الجزيل .