قصيدة رائعة اتمنى تعجبكم (منقول)
سهل ملكاك بس ماشوفك عناد
واعرفك زين باجر لازم تعود...

جنت بدلة عرس من تمشي وياي
بس هسة انه اشوفك كومة جرود...
حقد شايل عليك بكد الجبال
كد ما للمحنة يدندن العود....


كد ما للقصيدة يلوك الاحساس
كد حزن الحزينة وابنهة مفقود...


ما صدكت كتلك الله وياك
كبل لا كمل (الله ..) نسيت الوعود..
خذت رقم القياسي بيوم الجفيت
ماشفتك لكيتك عابر حدود...


روح بعيد عني وعوفني شلون
مثل متكول عفته انسان مكرود...


جربتك عبالي بيوم الزماط
ازامط بيك حسبالي ازامط بزود...

بس وسفة انكلب كل ظني وياك
ظني الخاب ظني بين الظنون...


طاح احساسي مني بيوم الجفيت
وابشرك مو دمعة جن طاحن عيون...


ودمعتي عليك من تنزل عالخدود
تتكسر احبك فوك الجفون...

وانة بلا كلب دوم اضحك وياك
لان سني ضحك كسرت السنون...


الحديد شكد قوي ومن لامس الماي
من كثر الخجل صار احمر اللون...


وانت بلا خجل من تحجي وياي
وانه الجنت احبك حد الجنون....


ميخالف اكابر وية الجروح
بس جرحك جبير اتجاهلة شلون؟
على متوني شلت كل همك سنين
كل عقلك تظن تجازي المتون؟


بقى بس خيط رجعة وباقي وياك
واذا تكدر تكطعة اني الك ممنون....

جربتك عبالي بيوم الزماط
ازامط بيك حسبالي ازامط بزود...

بس وسفة انكلب كل ظني وياك
ظني الخاب ظني بين الظنون...


الف شكر عزيزتي على ماسطرت اناملك
مع وافر شكري وتقديري

الله ع الاحساس الراقي

سلمت الايادي بما خطت

وشكرا

وانت بلا خجل من تحجي وياي
وانه الجنت احبك حد الجنون....


ميخالف اكابر وية الجروح
بس جرحك جبير اتجاهلة شلون؟
على متوني شلت كل همك سنين
كل عقلك تظن تجازي المتون؟


بقى بس خيط رجعة وباقي وياك
واذا تكدر تكطعة اني الك ممنون....
كلمات روعة عاشت الايادي

جميـــــــــــــــــــــــــــل جدا ياكبير ..مع حبي..شوك