من مشيت


طلگت كلشي بغيابك من مشيت


وبالحلم


بالحلم طيفك اجاني
http://up.arab-x.com/Mar10/opJ05980.jpg (http://www.alforat.org/redirector.php?url=http%3A%2F%2Fup.arab-x.com%2F)
چن حضنتك


چن شبگتك


فوووووگ شفتك جن غفيت


من مشيت


اسأل الشمات عني شگد بچيت


دوريتك بالرسايل بالورد وبالهدايا


دوريتك ما لگيت


من مشيت


مو جديده فراگ عندي


ياما گبلك ودعيت


ويااااا وداعك


خله روحي چنها طير بلايه بيت


من مشيت


شلون حالي؟


شلون ليلي؟


ليل شاعر بالقوافي تمدديت


من مشيت انذبحت الضحكه بغيابك


تالي بس دمعه صفيت


ما تجيني شوف حالي


من مشيت


گالوا اليعشگ يعاني


يگضي ايامه يتاني


بس عجيبه


يبچي گلبي؟؟ ما دريت


ما دريت شگد بچالك


صرت عازه


كون اشوفن بس خيالك


ولنّه صوت يگلي يرجع گتله يرجع صدگيت


من مشيت


چنت شمعه وبنسمه فراگك طفيت


ويا لحن اعزف تريد؟؟
http://up.arab-x.com/Mar10/9Bu05980.jpg (http://www.alforat.org/redirector.php?url=http%3A%2F%2Fup.arab-x.com%2F)
وانه ناي بلايه شفه


وجرعت هضم الليالي بكاس هجرك وانتشيت


من مشيت الفكر يسرح


وياهو يوصل صدگ يضيع بصفنتي


ولو شفت عشاك تضحك


والله اذكرك ما نسيت


من مشيت


بگلب خاشع


نزلن دموعي ودعيت



يا حبيبي يمته ترجع ؟؟؟


لخاطر الله يمته ترجع ؟؟؟


والله بعدك انتهيت .

كلمات حلوة ومعبرة تسلم ياامير وتقبل تحياتي

http://www.gallery.7oob.net/data/media/19/frasha2.gif


تقبل مروي البسيط

الأخ الأمير سالم
سلمت اناملك واحساسك الرائع
تحياتي

الله عليك يا امير الكلمات العذبه
سلمت يا امير وسلمت اناملك
تقبل تحياتي نوره

جميل ما كتبت هنا اخي الامير سامر
لك تحياتي

جزيل الشكر والامتنان للردود الراقية

الله الله
ياامير الرقه والعذوبه
فعلا راقني مانزفت
تحياتي

الامير سامر

دمت لنا بهذا الابداع .. وتمنياتنا لك بالتوفيق الدائم .

گالوا اليعشگ يعاني

يگضي ايامه يتاني

بس عجيبه

يبچي گلبي؟؟ ما دريت

ما دريت شگد بچالك
الله هذه الابداع
روعه
تحیتی