(( موعد حب ))



هو / اشلونچ يا أعز
الناس عندي ..
هو الگلب چم أحبيبه عنده ..

هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو / نمتي .. هنيالچ غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..

هو / لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..

هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟

هو / لا تبچين ..
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..

هي / اشلون اتگلي لاتبچين ..

هو / لا تبچين ..!!

هي / تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..

هو / بس ارجوچ لاتبچين ..
خوفي آنه عليچ من الدمع والله ..
مرات الدمع
ياخذ حلاة العين ..
ويل كلچ ترافه ارجوچ لا تبچين
....................
ماراقني جدا

متوسد الجرح
وعيون يبجن موت
وانت اباب كلبي
وكلبي هايم بيك
من كثر المعزه
نحير شنسميك ؟
لاتبجي ابد
وتذبل احله عيون
يا كلشي يخجل من يمر
طاريك

تحياتي للغاليه ام علاوي ولهذه المحاوره الجميله وموفقة بكل اختياراتك امنياتي لك التألق الدائم وتقبلي مني ماتركته هنا

إحساس جدا جميل
ومفردات داعبت الوجدان
هكذا هو العشق والهوى
يسلب الروح -- ويدمي الفؤاد احيانا

رائعة ام علاوي
جزيل الشكر والإمتنان لجميل اختيارك وتذوقك
محاورة شدتنا بحلاوة كلماتها

دمتي بكل الود
مع ارق تحياتي

ماجد الشاعر ... افتقد عذوبة ماتتركه لي
اهلا بك من جديد تنير سطوري وتعطر متصفحي بعبيرك الاخاذ
لاتحرمني من طلتك المميزه اخي العزيز
كن بالقرب دائما ارجوك
لك خالص مودتي

الغاليه ام فيصل يسعدني بأن مختاراتي تنال استحسانك
لاعدمت روعة تواجدك غاليتي
لروحك باقات من الزيزفون

ام علاوي الغالية
مشكوره ع هذه القصيدة الجميلة
تقبلي تحياتي حارة

ملهمة ... نورتي الموضوع
لاعدمتك غاليتي
كوني بخير

ام علاوي وفقت بالاختيار
تسلمين ياورده

بسم الله ماشاء الله ..... كلمات تتضارب بموج البحار كانها الصاعقة في ذاتها .... لكي مني اطيب التحايا والاحترام .....تقبلي هذا المرور البسيط .

الغربه ... اهلا بك بيننا غاليتي
يسعدني انها نالت رضاك
لاتحرميني طلتك الجميله
لك ودي

القلب الاسير ...كم يفرحني وجودكم يامنبع الابداع
سيدي شكرا لمرورك الذي اثلج قلبي
دمت بخير ولروحك بتائل من الجوري

الله الله يا ام علاوي على هاي المحاورة الشعرية


شكرا اختي وتقبلي مروري

تحياتي يا غاليه

فارس الهيجاء... نورت الموضوع اخي الطيب
لاعدمت تواجدك
لك باقه من الجوري