الى الا صديق الناي
هذا انه العليك امنشف العين .... وعينك بالجثب ما دمعتلي
ضهر غيري اذا رد خنجرك يوم ... ما ارد خنجرك وبضهري اشتله
ولا تنسه الوكت من جاك كتال.... هذا بسدي لابد ما كلتله
وصرت انه وراك توخر شبيك ... واسمعك ترس اذاني اتكله اكتله
شلعت الاساني خاطر يسكت الصوت.... وبالساني عدوك ما صحتله
أأشرلك تعال شبيك ما جيت .... وفدوه من مشه كلك رحتله
كمت الخاطرك كصيت الجفوف .... واجه خصمك يصاحف ما كمتله
طكني وما كو ادية وعينك اتشوف ... شلت اجفوف ادية وصفكتله
الله يسامحك يا ناكر الطيب .... كلت روحي بحركتي وطاحن اسنون
حمل غدرك ثكل ما بيه اخليك .... رديت اعل مودك صاير امتوني
ونس الراح كله وجنه ماصار .... دمي يفور بيه وكتلك اتهون
عيوني لشوفتك جوعانه تشتاك .... بجفوفك تراب توكل العيون
هسه اشذكر واشلون رديت ... راجع من صدك لو من جثب جاي
صرت كلي جرح واتنطر اتعود .... طلعكله ملح وتشابك اوياي
الكصب من ينجوي يطلعلك اهات ... ويضل يعزف حزن لويفارك الماي
اجر صوتي من اذانك خاف اذيك ... ايبجك صدك لو بحه الناي
خد من نار خدي ولا تطفيه ... ما ريدك تحبني وشفتك ماي
ما خايف عليك بطفيت النار .... خاف اضيع لمن ينطفي اضواي
عاتبني تعال منيلي اذنوب ... واذا رايد اعدهه اذنوبك اهواي
اذا وياي تزعل انه وياك .... واذا وياك اقصر ازعل اوياي
مرتضى الازرقي

هذا انه العليك امنشف العين .... وعينك بالجثب ما دمعتلي
ضهر غيري اذا رد خنجرك يوم ... ما ارد خنجرك وبضهري اشتله
ولا تنسه الوكت من جاك كتال.... هذا بسدي لابد ما كلتله
وصرت انه وراك توخر شبيك ... واسمعك ترس اذاني اتكله اكتله
شلعت الاساني خاطر يسكت الصوت.... وبالساني عدوك ما صحتله



صح لسانك عزيزي ولسان الشاعر مرتضى الأزرقي
اختيار جميل
وكلمات عتاب وألم
مؤلم ان نخلص للصديق بكل مانملك ويكون الجزاء النكران
احسنت الإختيار
وماننحرم هذا المداد الرائع


مع اطيب تحياتي