مرحبا....
بدي منكم تعملو مقابله مع طفل ( أخ.. اخت.. ولد / بنت أخته.. ولد / بنت خالته .. ولد جيرانهم .. ولدعمته.. ولد الجيران......الخ المهم أنه طفل )


ولا يزيد عمره عن
10 سنوات ..


وتسأله هالأسئلهـ وتجيب أجوبتهـ..
منها نعرف شو تفكيره..
ومنها نضحك على اجوبتهم ..



الأسئلة :



1/ ايش تسوي /ن إذا صرت /ي فاضي / هـ ؟

2 / لو فزت/ي بـ 1000دولار ايش تسوي/ن فيها ؟

3 / وين بدك تسافر/ين في الاجازه؟

4 / لو صرت/ي مدير/ة مدرسة ايش بتسوي/ن ؟


5 / شو تعرف/ين عن :


الأنسولين :
الإنترنت :

الإتيكيت :
التعليم العالي :
الماركة :
الجوال :
الستلايت :

جيبو الإجابات بدون حذف اوكي
مين رح يبدأ....تفاعلو بليز

هههههههههههههههههههههههه
عاشت ايدج ياورد
اني رح ابدي ويه ابني علاوي
بس خلي الزمه لان هسه طالع يلعب ويه اصدقائه
وانشالله انزل اجوبته ونخرب ضحك عليه ابو خدود هههههههههههههه
حبيبتي دوم الابداع
قبلاتي

السلام عليكم مثل ماوعدتكم جبت اجوبة علاوي ابني الي عمره 5 سنوات
اخليكم ويه اجوبته الخنفشاريه
الأسئلة :



1/ ايش تسوي /ن إذا صرت /ي فاضي / هـ ؟

علاوي: العب واتفرج تلفزيون او اتمشى واذا لكيت فقير بالشارع اساعده وبعدين ارجع اكل :66 (75):


2 / لو فزت/ي بـ 1000دولار ايش تسوي/ن فيها ؟

علاوي: اشتري ملاعيب وبيتزا
والباقي انطية لماما( شوفو شلون حنين على امه حبيبي بالاخير اتذكرني وره ماشبع ابو خدود:66 (75):)







3 / وين بدك تسافر/ين في الاجازه؟

علاوي:اليابان هههههههههه
يدري بأمه تضوج منهم ههههه


4 / لو صرت/ي مدير/ة مدرسة ايش بتسوي/ن ؟
علاوي:اشتري زحليكات ومراجيح حتى نلعب


5 / شو تعرف/ين عن :


الأنسولين : يعني اكل بالسوك؟؟:3:
الإنترنت :يعني العاب بلي

الإتيكيت :يعني شنو ؟؟
التعليم العالي : يعني تعليم ماكو مثله
ههههههههه هنيال امه شكد فهيم ابني
الماركة :مااعرف
الجوال : تلفون ( صلوااااااااااات:66:)
الستلايت :يعني دش ( هم صلوااااااااات:66:)

ديربالكم مو تحسدوني على ذكاءه الخارق :66 (8)::77 (9):

السلام عليكم من جنت استجوب علاوي ابني جانت بنت حمايه موجوده وكاعده يمي وعمرها 13 سنه بس ماشاء الله على ذكائها شفتها كل ميحجي علاوي تكوله لا غلط
فحبيت استجوبها بنفس الاسئله شوفو اجوبتها
نبدي على بركة الله

الأسئلة :



1/ ايش تسوي /ن إذا صرت /ي فاضي / هـ ؟

:66 (8)::ادرس وانظف:2:

2 / لو فزت/ي بـ 1000دولار ايش تسوي/ن فيها ؟
:66 (8)::اشتري ملابس وموبايل والباقي انطيه للفقراء ( تصورو بس ملابس وموبايل والباقي للفقراء):3:

3 / وين بدك تسافر/ين في الاجازه؟
:66 (8):: سوريا

4 / لو صرت/ي مدير/ة مدرسة ايش بتسوي/ن ؟
:66 (8)::احاسب عالزي والمايلتزم افصله
(شنو هالحزم ):20:



5 / شو تعرف/ين عن :


الأنسولين : هو مرض يسبب مناعه في جسم الانسان يشبه فقر الدم :66 (75):
(العتب مو عليها العتب على مدرسة الاحياء مالتها )المهم نكمل
الإنترنت :اتصال:66:

الإتيكيت :موجود بالحاسبه يبووووووووووو هاي اول مره اعرف الاتيكيت موجود بالحاسبه :66 (75):
التعليم العالي : انكليزي والفرنسي
(اني معليه هي تكول والله:66 (185):)
الماركة :يعني سوبر ماركت :3: (يجوز؟؟؟)

الجوال : تلفون :66:
الستلايت : دش


اكولكم اخاف تحسدوها
رح اقره عليها المعوذتين:77 (9):
ها شنو رأيكم باجوبة عمر ال13 سنه؟؟؟ لاعتب على الاطفال مووووووووو
تحياتي للجميع

شكرا لك ورد موضوع جدا جميل
وعلى الكل يتفاعل لما فيه متعة
للجميع وانا سالت حسوني وجاوبني
صراحة على قدر حاله وها هي الاجوبة
/ ايش تسوي /ن إذا صرت /ي فاضي / هـ ؟
اروح اشتغل هذا نص كلامة ومع والدي في الشركة
اظاهر هم يريد يصبح مهندس



2 / لو فزت/ي بـ 1000دولار ايش تسوي/ن فيها ؟

لو اتزوج لو اشتري سيارة مثل بابا
3 / وين بدك تسافر/ين في الاجازه؟
لتركيا المدينة التي سافرت لها انا

4 / لو صرت/ي مدير/ة مدرسة ايش بتسوي/ن ؟
اادب الطلاب


5 / شو تعرف/ين عن :


الأنسولين : يعني شنو
الإنترنت :يعني كمبيوتر هذا نص كلامة

الإتيكيت :يعني شني
التعليم العالي : الجامعة
الماركة :يعني الصنع
الجوال : التلفون
الستلايت :الريسيفر

جيبو الإجابات بدون حذف اوكي
وهذه هي الاجوبة نصا
وتحياتي لك ورد ولام علاوي على استضافتها لابنها
الجميل وهو يتكلم بلهجة الاطفال المعروفة والجميلة
طبعا تعرفو انتم الاطفال زينة الحياة الدنيا
الله يحفضهم جميعا
تحياتي لكم

ابو حسين الورد الله يخليلك ابنك ويفرحك بيه
وهاي اطفالنا اذكيااااااااااااااااااااء مو بيديهم
بيني وبينك اني غاسله ايدي منهم ههههههههههههههه
شكرا للتفاعل اخوي العزيز
لاعدمنا تواصلك

هههههههههههههههههههههه


ليش ام علاوي اني داشوف مستقبل مشرق الهم


موضوع روعة بس اني من وين اجيب طفل و اساله


عود يوم لكيت راح اجيب لكم الاجوبة


تسلمين اختي ورد على الموضوع
تحياتي

اني رحت سالت احد اولاد اصدقائي

شوفوا الاجوبة

الأسئلة :



1/ ايش تسوي /ن إذا صرت /ي فاضي / هـ ؟ العب لو ارسم

2 / لو فزت/ي بـ 1000دولار ايش تسوي/ن فيها ؟اشتري بيهن ملاعيب هواي و بعدين اشتري حدوم

3 / وين بدك تسافر/ين في الاجازه؟ ههههه اروح الباريس

4 / لو صرت/ي مدير/ة مدرسة ايش بتسوي/ن ؟اخليهم يلعبون و ما اذيهم


5 / شو تعرف/ين عن :


الأنسولين : ها!؟ شنوه ؟!
الإنترنت :نطلع منه تحقيق!!! خخخخ

الإتيكيت :ها ؟ اتيكت شنو؟
التعليم العالي : ما ادري:66 (8):
الماركة :سوبر ماركت!!!!!!!!! شجاب لجاب
الجوال : نخابر بي تلفون
الستلايت :نباوع بي افلام روسيور


ما شاء الله عليه :66 (185):

مشكورة ام علاوي نورتي يالغالية
ربي يخليلج ابنج علاوي ويحفظه
تحياتي الج ولعلاوي

ههههههه
ابو الطيبات مو كتلك غاسله ايدي منهم ؟؟؟؟
الف شكر اخوي الطيب لتفاعلك
تحياتي لك

هههههههههههههههههههه

اي اختي صدقتي

تحياتي

شكـراً حبيبتي ورد على الموضوع الرائع
اني جبت اختي وكَعدتها كَدامي ومخليتها تقوم غير ما خلصت كل الحجي مالتي هع
أختي عمرها 10 سنين يعني جبتها مظبوطة لا أقل ولا أكثر
والاجوبة كلها على لسان أختي يعني لا راح احذف ولا هم يحزنون
بس دخيلكم لا تحسدوها على هالذكاء الخارق خخخخخ


نبلش


/ ايش تسوي /ن إذا صرت /ي فاضي / هـ ؟


أختي :العب



2 / لو فزت/ي بـ 1000دولار ايش تسوي/ن فيها ؟


أختي :اشتري حلويات ونساتل وشيبس وكمان اشتري موبايل جديد و mb3 جديد <<< مالتها خربته هع هع


3 / وين بدك تسافر/ين في الاجازه؟


أختي :لتركيا


4 / لو صرت/ي مدير/ة مدرسة ايش بتسوي/ن ؟


أختي:اادب الأطفال <<شنو قصتهم كلهم يريدون يأدبون الطلاب هذه ببدال ما يتعاطفون معاهم لأنهم نفس اعمارهم:66 (124):


5 / شو تعرف/ين عن :


أختي: ما أعرف شئ <<< رأساً أختصرت الموضوع


الأنسولين :
أختي: ما أعرفه شنو.. هو شنو هذا؟ <<يللا جاوبوها هع هع
الإنترنت :
أختي: بيه مواقع العاب ونطلع منه معلومات وبيه منتديات ونتواصل بيه وية الاصدقاء على الماسنجر


الإتيكيت :
أختي:شنو هذا؟
التعليم العالي :
أختي: يعني الواحد يتعلم هواية<<هههههههههههههه بالله بربكم مو ذكية ؟ خخخخ
الماركة :
أختي:ما أعرف شلون أشرحها الج بس هي مثلاً ماركات تكون بملابس يعني نوعية <<وصلت الفكرة هع هع
الجوال :
أختي:موبايل <<< لا عرفته ما شاء الله خخخخخخ
الستلايت :
أختي: اي هذه الصينية الكبيررررررة <<< لا وانتي الصادقة الماعون الكبير هههههه




تقبلي مروري
خالـص ودي وحبي

تسلمين اختي ورد ع هذا الطرح الجميل والرائع
الله يعطيكِ العافيه
اني جبت ابني حمودي وسئلته على هاي الاسئله


/ ايش تسوي /ن إذا صرت /ي فاضي / هـ ؟
اووووووو كلشي اسوي العب واطلع ويه اصدقائي واكعد على الانترنيت .
لا ماشاء الله على ابني عنده حماس رهيب:20: في الاوقات الفاضيه ههههههه

2 / لو فزت/ي بـ 1000دولار ايش تسوي/ن فيها ؟
اشتري لاب توب وايفون وملابس وحلويات وملاعيب واذا بقه منه اشويه اشتري هديه الج
كَرة عيني واخيراً ذكرني بهديه يالله احسن من ماكو

3 / وين بدك تسافر/ين في الاجازه؟
احب اسافر لدبي
كله صوجي مكرعه راسهم بدبي

4 / لو صرت/ي مدير/ة مدرسة ايش بتسوي/ن ؟
ازيد اوقات الرياضه واللعب والاستراحه
زين عمي شبقه للدراسه :3:


5 / شو تعرف/ين عن :


الأنسولين : انسولين شنو ماما انتو مين اتجيبون هاي الاسئله الغريبه والله عليكم سوالف
يمه سامحنا حقك علينا :11:



الإنترنت :اكو واحد ميعرف الانترنيت انتو وين عايشين
مو اكَولكم ابني عبقري من يوم يومه
بالله هذا سؤال اختي ورد والله خجلتيني ويه ابني هههههههههه

الإتيكيت :يعني لازم انكون مرتبين بالكلام وبالاكل والبس :66:


التعليم العالي : هذا هواي لازم يدرس وراه دوخة راس الله يساعدهم
خطيه ابني حنين وشايل همهم طالع على امه


الماركة : يعني اني هسه احب ماركه البومه والنايك وال اديداس
عمي هذا ابني يرادله حرمل ههههههههههه خاف ايضربوه بالعين
الجوال : جوال شنو ماما بلكت اترجميلياه بالسويدي
ان شاء الله ابني راح اترجملكياه
الستلايت :هذا الجهاز الي حاطي جو التلفزيون ايجبيلنا قنوات فضائيه

الحمد الله واخيراً انتهت المقابله

تقبلي مروري
دمتي بخير

هههههههههههههههههههه
اي والله صدك ياام حمودي ابنج عبقري ماشاء الله عليه
سويله حرمل لينحسد هههههه
اني ابني مينرادله حرمل محسود من كاعه
تحياتي لام حمودي الورده

المشكله ام علاوي احنا بالسويد
اخاف اسويله حرمل والبيت يتعبى دخان وتدرين شقه مو بيت وبيه حوش
عود شيخلصنه من الجيران خاف يشتكون علينا وايجبولنا شرطه
ويكولون علينا هذوله مشعوذين كل يوم عدهم سحور وطبور هههههههههههه
وتاليتها من وره اطفالي نروح بشربة ماي:4:

تحياتي ومودتي لأم علاوي الورده

ههههههههههههههههههههههه
الله يكون بعونكم
لايمعوده هنهوب مشعوذين
خليهم ينحسدون ومنو يحسدهم هناك اذا بالسويد فماعدهم هاي السوالف
هاي سوالف ربعنا هههههههه
مودتي ياطيبه

مشكووووورة ورد على الموضوع الجميل والمميز
وان شاء الله القفلي طفل واسأله هالاسئلة
تحياتي لكي