ياشيطان القلم مظلوم ياشيطان
فكري ومن صميم الواقعة وحاله
عراقي انه وفزعتي تشيب الرضعان
ولأن الوطن شفته بحال يرثاله
وشفت إنسان ماعده الزمان إنسان
حنت ظهره السنين وياهو تجاله
وظفت القوافي وكل حروفي جروح
بلكي جروحي تلثم دمعة أطفاله
انه غاره لتنخه لثورة العشرين
انه لما كدر لجمن يوكف حياله
انه ابن الحسين وشارته العباس
انه بذي قار ليه جيوش خياله
اخوي انه الشهيد لما خذل هالدين
رفع اسم العراق وغيرة رجاله
ركض من شاف طاح الوطن عالكاع
سند بيده المضيف وعدل دلاله

ثابت عالمنايا وما يهزه الموت
ولابوش ليحركه بكثرة ارتاله
وقصد سيف اخوي ويرهب العدوان
ابد ماجان تالي وجان توصاله
ياامروء القيس عوفك من رثه البيد
على ديارا ألقديمه ووقفة إطلاله
تعال وياي نبجي كبور هالأطفال
قفا نبكي كما بكي الثكاله
ليش ألدنيه بينه أدور عالمكلوب
تذل مهره الأصيل وتشمخ بغاله
حسافه وألف وسفه وليش ياشعلان
ليش لهسه ظلت نايمه الفاله
وليش احنه لنعدله الحمل من يطيح
هسه الحمل طاح وطاح حماله
رسالة لكل عراقي بمجلس النواب
رسالة لكل شريف وفاهم ألحاله
كلمن ذب عراقه ومافزع وياه
أمه زباله حتماً تنجب زباله

الشاعر
محمد التميمي
((مهرجان العراق الواحد))


:66 (46)::66 (46)::66 (46)::66 (46)::66 (46)::66 (46)::66 (46):

اخوي انه الشهيد لما خذل هالدين
رفع اسم العراق وغيرة رجاله
ركض من شاف طاح الوطن عالكاع
سند بيده المضيف وعدل دلاله


اخي العزيز محمد التميمي
قد اقف عاجزآ عن التعبير عن مدا اعجابي
بكلماتك وحروفك التي انارت الموضوع
فليس في داخلي الا القول عاشت تلك
الانامل التي خطت هذا التميز والابداع
لك خالص مودتي وتقديري
تحياتي وتقبل مروري

كلمات في منتهى الجمال والابداع سلمت الايادي

ليش ألدنيه بينه أدور عالمكلوب
تذل مهره الأصيل وتشمخ بغاله
حسافه وألف وسفه وليش ياشعلان
ليش لهسه ظلت نايمه الفاله
........................................


الله الله

سلمت يا لتميمي
كلمات تشحذ بنا الهمة والغيرة من اجل نصرت العراق الجريح

شكرا" لروعة ما كتبته هنا

بداية موفقة معنا

نتمنى لك التواصل والتألق الدائم

فائق مودتي وامتناني