حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضكت حلوتها ومرها
بويا طلع مــــرها أمر امن المنيه
**************
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
كمت صليت من غــصبن عليه
****************
أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه
*************
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه

***************
المصايب بس على روحي تلافت
يكلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه


أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
***************
يصاحب لو تشوف اشلون كتماي
على عيوني ويسح الدمع كتماي
اشما اكل للروح سر الهوه كتماي
تحن وتهيج الساكن عليه
*************
ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه
****************
من وجدي لهـيب الشـــوك ورباي
نديمي وعلى ادروبك اصد ورباي
ابن كلبي وضـوه للبــــيت ورباي
فرح شوفـتك من تخـــــطف عليه


منقولــــــ

***************
المصايب بس على روحي تلافت
يكلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه

عاشت الايادي اخونا الغالي


تحياتي

***************
يصاحب لو تشوف اشلون كتماي
على عيوني ويسح الدمع كتماي
اشما اكل للروح سر الهوه كتماي
تحن وتهيج الساكن عليه
*************


عاشت اناملك ابوذيات جميله
ننتظر جديدك
تحياتي

الف شكر اعزائي على مروركم العطر
دمتم بخير

تحياتي للاخ الزير على روعة مانقل لنا من ابوذيات جميلة
تحياتي لك اخي الغالي
يصاحب لو تشوف اشلون كتماي
على عيوني ويسح الدمع كتماي
اشما اكل للروح سر الهوه كتماي
تحن وتهيج الساكن عليه

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه


صح لسانك عزيزي
وعاشت ايدك على هذه الباقة الرائعة من الأبوذيات
والمفعمة بالإحساس الجميل
دمت متألقا
مع اطيب امنياتي