اليوم دين الله بسماه ثوب اسود من غشاه

من فكد طه محمد ضل يـــــون

الدين كلة اليوم بحزان والــــــم

الدين كلة اليوم ينحب للعلــــــم

الدين كلة اليوم للهادي انهـــدم

الدين كلة اصبح ضيائة من العدم

بالحزن هاي السمة تنحب وي فاطمة

اتواسي بنتة الطاهرة بدمع الجفن

من فكد طه محمد ضل يــــــون

اليوم داحي الباب بهموم وجمر

من فكد طه محمد بـــــــس تدر

عينة والحسرات نار وبالصـدر

اتنادي يالهادي اللقائك انتظـــر

وللهادي حيدر ودعة ولفراكة جفنة بمدمعة

وايتامة ونت للرسول بهم تون

من فكد طه محمد ضل يــــون

والزهرة امة وبنتة تندب يارسول

اليوم عنة اتروح لاعمري يطــول

اشلون بعدك تبقى بافراح البتــول

والكلب ياوالدي يصرخ يكـــــــول

اليوم يابوية الدمع يسعر بنقي الضلع

ياجرح يشفى بغيابك مايحن

من فكد طه محمد ضل يون

اليوم يالهادي الحسن جفنة ســـجب

اليوم هذا المجتبى ســــبطـك نحب

ويكول ياجدي الاجل ريتــــة كرب

والموت بغيابك يجدي اشكد عذب

ابموتي بيك الملتقى بعدك انت وشبقى

غير دهر الضيم باقي والحزن

من فكد طه محمد ضل يون

اليوم غطة حسين وجهة بالجفوف

اليوم ابنك يالنبي حس بالطفـــوف

يدري اغدار الدهر بعدك يشــــوف

ويعلم بنحرة يحز بيه السيـــــــوف

يدري بعدك بس غدر ويدري بمة وبالكسر

ويعلم بحيد الزلم من ينطعن

من فكد طه محمد ضل يون





خادم اهل البيت عليهم السلام

foraten.net/?foraten.net/?foraten.net/?foraten.net/? رفيش

@@@@@@@@@@

http://up.arab-x.com/Feb10/VWb88139.jpg (http://up.arab-x.com/Feb10/VWb88139.jpg)
صورة الشاعر foraten.net/?foraten.net/?foraten.net/?foraten.net/? رفيش 2010

عطر الله انفاسك عزيزي
قصيدة جدا رائعة واختيار موفق
دمت بهذا الإبداع
مع تحياتي لك

جزاك الله خيرا على هذه القصيدة الرائعة
دمت ذخرا لهذا الصرح العظيم
تحياتي

شكرا لمروركم احبتي ودمتم بالخير انشاء الله ..... تحياتي

بسم الله الرحمن الرحيم
اللهم صل على محمد وآل محمد وعجل فرجهم و ارحمنا بهم يا كريم ,,

جزيتم خيرا على هذا الطرح القيم المبارك
أسأل الله ان يقضي حوآئجكم بشفآعة محمد وآله الطآهرين

شكرا لمروك اختي العزيزة ومنا واليكم على ما ذكرتم تحياتي

اللهم صلي وسلم ع سيدنا وحببنا محمد رسول الله
جزاك الله كل خير ياخي

وجزاكي الله خيرا اختي العزيزة وشكرا لمرورك الكريم فتقبلي تحياتي .