المساعد الشخصي الرقمي

مشاهدة النسخة كاملة : شظل بعد من العمر يالماتجين


بيتر بتريلي
26-01-2010, 03:06 PM
السلام عليكم 0
الى جميع الحبجية اهدي لكم هذه القصيدة00000000
ماتجين؟
شظل بعد من العمر يالماتجين
راحت الدنيه بهلهه
واحنه باجر رايحين
لاكعدنه ولاحجينه
ولااديج اتشابجن مره اويه ادينه
ولاربيع المر علينه
وجم خريف احتركت بسده السنين
ماتجين؟
مرت ايام وليالي ولااجيتي
ولانشدتي شلوننه وجنج نسيتي
ولانسه ومر بشواطيج حنين
ماتجين؟
اليحب؟
لازم يمر مره بحبيبه
والمفارك؟
هم يهزه الشوك لاحبابه اويجيبه
وانتي ماجنج حبيبه
ولاكسر كلبج عذاب العاشكين
ماتجين؟
اشظل بعد والمن بعد تتاملين؟
انتحرت النجمه بسمانه
وانذبح زاجل هوانه
واعلن البلبل حداده
وطائر النورس حزين
ماتجين؟
شغايضج منه وعلينه ؟
بلاسبب تتزعلين
اسنين مرن؟
واحنه ليج مناطرين
وخايفين؟
اتمر عليج حجايه من شماتنه وتتغيرين
نستحي نعاتب نجيج
وندري بيج من العتب ماتستحين
ماتجين؟
عدنه شوك المشتهيج
وعدنه خاطر مشتريج
امزاعلتنه؟
وليش من اهل العشك ماتشترين
ماتجين
ماتجيـــــــــــــــــــن؟
امير الاحزان:
26-01-2010, 03:36 PM
شكرا" لك اخي بيتر لهذا الاهداء الرائع

قصيدة عتاب على نغمات قلوب كسيرة

هكذا هو قلب العاشق

يرتجي ما لا يرتجيه من محبوبته

ورغم قساوتها الا انه برهافة حس يأنبها ويحاول ارضائها

لك خالص مودتي مع باقات وردي
بيتر بتريلي
26-01-2010, 05:39 PM
تحياتي و تقديري لك أخي العزيز
أمير الاحزان
اشكرك على مرورك الجميل
دمت لنا اخي الغالي
مع التقدير
فراتيه انا
26-01-2010, 06:52 PM
شكرا اخي بيتر بترلي على هذا
الشعر الجميل دمت تالقا
تحياتي واحترامي
ليث الخفاجي
28-01-2010, 10:41 AM
شكرا يا عزيزي على هذه القصيده الجميلة
ولأن الحياة لاتنتظر لا بد ان نسرع
ليث الخفاجي