المساعد الشخصي الرقمي

مشاهدة النسخة كاملة : حب من طرف واحد



رفيع التهذيب
22-12-2006, 01:52 AM
ولو صار العشگ بستان
ما بي شجره مزروعه

ولو ليل الشته الولهان
نام وزعلت شموعه

ولو ماي الغزل عطشان
ناشف ريگ ينبوعه

احس ليهسه انتي دموع
تخلق للجفن واهس

سجينه بنص هذن الضلوع
والدلال الج حارس

احسچ يا عسل موضوع
وي فلسفتي متجانس!

شريد احچيلچ عله الروح
شجره ولاغضن بيه

حمامه ولو عجبهه تنوح
كلهه تباوع عليهه

الچ بالسر تريد تبوح
عادك لا تفشليهه

حلتلي بحبچ الاهات
واسكر من اجر حسره

الگلب لساع يدگ ما مات
وده يحضنچ بعصره

ويبيتچ مثل من يبات
شط العرب بالبصره

تمنيتچ شعر منسوب
ننشد منه ونغني

و تمنيتچ سطر مكتوب
اقراه وافهم شيعني

شفسرچ يالغز محجوب
لا فهمه وليفهمني

حرت مابين لاء واي
كل احساسي ظل مبهم

قراري بهلوضع خلي
خاف اتخذه واتندم

شظنن والحچي شتالي
والمن هلكثر مهتم ؟

واشوفچ ما رغبتي بيوم
مني حچايه حبيبه

ولا عندچ جرح ملچوم
ايدك گلتي ختطيبه

وانه اتحمل قهر وهموم
لو يوم انتي متغيبه

يصير مضيع العنوان ؟
والحب من طرف واحد؟

والاشواگ التشب نيران
تطفه بدمچ البارد؟

وانه شما اريد انقص الشوگ
يصفه لشوفتچ زايد

صفيت انه وصفاتچ بال
حيره صفنته تخضه

عليچ انرسمت الامال
تالي انمسحت بلحظه

ولاريد اشكي وضع الحال
وارضه بكل نصيب ارضه

واظل ممنون الچ للدوم
كونچ للبلابل باب

واهديلچ شكر كل يوم
وادفن بالگلب الاسباب

وصدكي بعيني لو مر نوم
اصير بحاله استغراب!

شوصف والوصف محتار
منچ يستحي ويخجل

حلاتچ دوخت الحجار
وخليتي الخمر يثمل !

وياجزء العليه اندار
الگاه كامل مكمل

نظرتچ بيهه سر مخزون
والسر هذا شيفضحه؟

ووجنتچ لو تلف الكون
ما يخلص بعد صبحه

الچ ياما تحن العيون
تبچي تريد بس لمحه

جمالج شده الملهوف
وانتي مسدده اتسدد

اجيتچ وانه انگط خوف
اطلع مره ، مره البد

گعدت بحضرتچ مچتوف
وبس ثغرچ بقه يعربد !

حچالي عله العشگ والليل
والضحكات والسكته

گلت حبتني بس موهوم
وحچيچ غلط فسرته

تبين هسه كل شي وياج
گلتي : مثل اخويه انت !


للشاعر العراقي
امجد صلاح

ارجو ان تنال اعجابكم

اخوكم
:66 (46): رفيع التهذيب:66 (46):


يا رفيع التهذيب ورجعي الأراء
يا رجلآ يرفض ان يكون بين الارض

والسماء. الأتعرف أن الطائرالذكــي
:66 (46): يغنـــــــــي ولايكرر الغنــــــــــــــاء:66 (46):

عراقي أصيل
22-12-2006, 10:53 AM
صح لسانك أخي رفيع وهذا الشعور عندما يكون الحب من طرف واحد



تحياتي

فارس الليل العراقي

رفيع التهذيب
24-12-2006, 06:11 AM
ميــــــــــــــــــــــــــــــــــــــــــــــــ ــــــــت هلة بفارس الليل وردة عزيزي
اخوك
رفيع التهذيب

رفيع التهذيب
30-12-2006, 06:10 AM
اللف تحية للعاشق شكرا لمرورك الكريم