قصيدة صوت البلابل
قصيدة جدا مؤثرة , أتركم مع القصيدة
كتابتاً وصوتاً , بصوت الشاعر المبدع محمد رحيمة الطائي ..





صوت البلابل

على صوت البلابل ..
تگعد الناس ..
وآني اگعد ..
على صوت القنابل ..
واذا هالناس تسمع صوت فيروز ..
آنه الصبح ..
اسمع صوت داخل ..
ونين من الصبح ..
حد مايجي الليل ..
ويعذبني الزمن ..
بس آني قابل ..
واذا تسألني ..
ليش الون والهموم ..
وليش ابداخلك ..
ماظل تفاؤل ..
اگلك ..
گمطتني امي بالاحزان ..
ورضعت اهموم وكتي وآني جاهل ..
وين بيا مدينه الروح ترتاح ..؟
اذا بالناس ماظل كل تساهل ..
واذا صاير بريء ..
اليقتل الناس ..
گلي بيا محاكم ..
تلگي قاتل ..؟
ومتنازل ابو الحق ..
كلشي ميريد ..
فوگ الحق صبح ..
ينطي التنازل !!
باگو حتى اسمك ..
وانت ممنون ..
لأن ما تلگه ..
بالباگوك عاقل ..
وبعد تسألني ..
ليش الون والهموم ..
لأن طبعي صريح .. وما اجامل ..
گبل چان اليسامح .. طيب ايكون ..
هسه اللي يسامح ..
هو عايل ..

احس بغداد صارت ماهي بغداد ..
ظلمة ..
وما تضويهه المشاعل ..
على الحيطان ..
كلشي تشوف .. واشكال ..
تهديد ..
ومطاليب ..
ومسائل ..
وعلى بغدادنه تنوح الحمامات ..
وتبچي اگبال خضرتهه المناجل ..
عفيه اشگد خلگ .. للموت ويشيل ..؟
على نعشك يموت اشكثر شايل ..؟
الصبح تغبش اهموم ..
وشايله اهموم ..
وترد امحمله ..
بالهم والمشاكل ..
ونتبارك لمن نوصل سلامات ..
لأن واحدنه يم الموت نازل ..
ننام ونقره الف ( ياسين ) بالبيت ..
ويگعدنه الصبح صوت القنابل ..




للاستماع الى القصيدة أضغط
هـــنـــا (http://www.mrtiraq.com/listen/sa2.mp3)



تحياتي

:66 (185): :66 (8):
احس بغداد صارت ماهي بغداد ..
ظلمة ..
وما تضويهه المشاعل ..
على الحيطان ..
كلشي تشوف .. واشكال ..
تهديد ..
ومطاليب ..
ومسائل ..
وعلى بغدادنه تنوح الحمامات ..
وتبچي اگبال خضرتهه المناجل ..
عفيه اشگد خلگ .. للموت ويشيل ..؟
على نعشك يموت اشكثر شايل ..؟




اخخخخ
والله بغداد مو بغداد ولا العراق عراق كلشي راح :66 (8):
بس ان شاء الله تفرج وترجع بغداد وكل العراق مثل قبل وافضل

مشكورة والله على هذه القصيدة الجميلة
وطبعاً الاداء للشاعر رهيب ايضاً وحزينه كلش:66 (8):


مشكورة وعاشت ايدكم اختي ام فاطمه على هذه القصيدة على بغداد

تحياتي :66 (46):

مشكور حيدر على مرورك

ولابد يجي يوم وترجع بغداد والعراق كله بخير
تسلم على مرورك , نورت

عاشت ايدك اخوية الكريم على هذه القصيدة وعلى هذه الكلمات الرائعة والله قصيدة صدك يستحقه الشعب العراقي بس انرد ونكول الله كريم اكو الله :2: :2: :2: :2: :2: :2: :2: :2: :2: :2: :2:

تسلم اخي الكريم محمد الخفاجي على مرورك

تحياتي

احس بغداد صارت ماهي بغداد ..
ظلمة ..
وما تضويهه المشاعل ..
على الحيطان ..
كلشي تشوف .. واشكال ..
تهديد ..
ومطاليب ..
ومسائل ..
وعلى بغدادنه تنوح الحمامات ..
وتبچي اگبال خضرتهه المناجل ..
عفيه اشگد خلگ .. للموت ويشيل ..؟
على نعشك يموت اشكثر شايل ..


عراق يالها من كلمة تنخر العظام جميل ماتكتبين يا اخت حالمة
رفيع التهذيب

شكرا لمرورك اخي الكريم رفيع التهذيب
تقبل تحياتي

عاشت اناملك اخت :66 (46):الحالمه:66 (46): على النقل
احساس جدا جميل تقبلي مروري

نقل مميز اخي الغالي
احييك لما انتقيت
تقبل مروري