http://kld213.jeeran.com/s22.gif


موال امرك يا عراق


كلمات الشاعر : حازم جابر


صار امرك يا وطن بيد الغزاة ... وهمه اصحاب الفضل بالي يصير
عطشوا جرفة ونشف ماي الفرات ... ودجلة راح يعيش في نفس المصير
وهذا السومري ابن الحضارات ... يردوني ارجع ليورة واصبح اخير
وبعض من الساسة صدرلك قرارات ... يكول لو ضل العلم فد شي خطير
وبعض من الي اجوا يتلفظ عبارات ... يكول تقسيم العراق حل أخير
درفرف يا علم فوك السرايات ... بلكي بيهم يا علم يصحى الضمير
كافي ارجوكم وبسكم خطابات ... الشعب باجر ترة حسابة عسير
تردونه نعيش العمر كله انفجارات ... يومية قـتـل يومية تدميـر
ابطال انشوفكم بس بالقاءات ... وينة الي يكدركم ساعة التنظير
اذا بيناتكم يومية تهديدات ... واحنه بنص بلدنا صاير التهجير
بينه وبين الدول صارت مسافات ... احنه النه الدمار والهم التطوير
ربح ماكو العمر كله خسارات ... والوضع نفس الوضع شو ماكو تغير؟
لايك عالبعض ثوب الخيانات ... مفصل ويلمع عليهم كالحرير
يمة يا يمة يا يمة ... يمة من اكول اسم العراق ينعصر گلبي يا يمة

تسلمين حبيبتي ام مرام

موال كلش مؤثر واني عندياه , من اسمعه ابجي من الحرگة على بلدي والي صار بيه
الله يفرجها عن بلدنا الحبيب

الله يفرجها ان شاء الله على العراق وكل عراقي يكفي قهر وظيم

مشكوررره غاليتي أم فاطمه على تواجدكِ العطر

تحياتي واحترامي

وبعض من الساسة صدرلك قرارات ... يكول لو ضل العلم فد شي خطير
وبعض من الي اجوا يتلفظ عبارات ... يكول تقسيم العراق حل أخير
درفرف يا علم فوك السرايات ... بلكي بيهم يا علم يصحى الضمير
كافي ارجوكم وبسكم خطابات ... الشعب باجر ترة حسابة عسير
تردونه نعيش العمر كله انفجارات ... يومية قـتـل يومية تدميـر
ابطال انشوفكم بس بالقاءات ... وينة الي يكدركم ساعة التنظير
اذا بيناتكم يومية تهديدات ... واحنه بنص بلدنا صاير التهجير










الف شكر اختي قمـ بغداد ــر
على هذه القصيدة الرائعه للعراق

مشكورة والله دومك مبدهه بختيارتك
ان شاء الله انشوف منكم المزيد

تحياتي :66 (46):

انت المبدع حيدر بتواجدك وفعلآ هو الكلام على الجرح ما نقول
غير يالله افرجها على عراقنا


تحياتي لك

بارك الله فيك
ولا تخاف ياخوي العراق بأذن الله راح يرجع بس تكاتفو مع بعض
الي يقهرني انه فيه ناس بعدهم يتكلمون هذا سني وهذا شيعي ويتكلمون ويبدون يحطون المشاكل علشان كل واحد يكره الثاني
ما اقول الا حسبي الله ونعم الوكيل على كل من يبي الفرقه والخساير في العراق انا سعودي ولكن العراق عظيم يجب ان يكون كذالك ولا احد يلتفت لمثل هذي المهاترات والكلام الفاضي خلوكم يد وحده صدقوني والله في ظرف سنتين راح ترجع العراق مثل ما كانت بلد الحضارات قويه

بارك الله فيك
ولا تخاف ياخوي العراق بأذن الله راح يرجع بس تكاتفو مع بعض
الي يقهرني انه فيه ناس بعدهم يتكلمون هذا سني وهذا شيعي ما اقول الا حسبي الله ونعم الوكيل على كل من يبي الفرقه


فعلآ اخويه الله ينتقم من كل واحد حاقد في داخله يحب التفرقه ويميز بين سني
وشيعي ما اقول غير الله يشافي كل نفسيه مريضه وحاقده ويبقى العراق لكل عراقي
شريف غير عميل يحب الخير لبلده ويقف معها في وقت المحن ولا يبيعها



تحياتي لك ابو عواد واهلآ بيك معنا

عاشت ايج اختي قمر
والفنان حسام مبدع
تحياتي لكي وبالموفقيه