كَلي شراح اكَلك وانته راح اتروح
وليش اتلح عليه وتنتظــــر ردّي
هذا السان حالي دموعي تحجي وياك
وراح اسكت واحجي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
***
ضل وياي اريدك والبقن جم يوم
وهل جم يوم صارن حدك وحدّي
خليني ارد اشوفك كَمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باجر انجــدّي
***
اخذني وياك اريدك مااريد الغير
وكون ابسدك اكَعد واكَعد ابسدّي
لتخليني وحدي منين اعرف الناس
لااكَدر اعاشر لا خلكَ عنـــــدي
احب اشلون غيرك من اود اشلون
وانه وياك كلش خلّصـــت ودي
***
ابكَد حبك النفسك جنت اناني وياك
ومنو ابكَدك يحبك محد ابـــكَدي
يل بيه ويه روحي الطلعه طلعت موت
شيردكم علي لو صيحــت ردّي
***
اخذني وياك مني اشعندي باقي وياي
وكلي وياك اخذني وكلشي لتودي
***
شيصيرن بعد خل اليصير ايصير
خل كلشي الأليه وينكَلب ضــدي
خل اسنيني تغركَ خله عمري يفيض
خل اكَبال عيني وينهدم ســـــدي
خايف صح جنت بس جنت اخاف عليك
والمن بعدك انته وخايف اشعندي.....


م ن ق

كَلي شراح اكَلك وانته راح اتروح
وليش اتلح عليه وتنتظــــر ردّي
هذا السان حالي دموعي تحجي وياك
وراح اسكت واحجي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
***
عاشت ايدك شعر جميل ويحمل معاني الوداع الصعب

تحياتي الك وتقبل مروري

مشكوره اختي رنا الورده على المرور الجميل
نورتي الموضوع
تحياتي

الله يابو جاسم
حرت شأقتبس
كل مقطع احلى من الي قبله
عاشت ايدك وسلم لنا هذا الذوق الراقي
دمت مبدعا ومتالقا
تحياتي المعطره بعطر الياسمين

الف شكر ام علاوي الورده على الرد الجميل
نورتي الموضوع
ربي يحفظك
تحياتي للطيبه الغاليه

***
اخذني وياك اريدك مااريد الغير
وكون ابسدك اكَعد واكَعد ابسدّي
لتخليني وحدي منين اعرف الناس
لااكَدر اعاشر لا خلكَ عنـــــدي
احب اشلون غيرك من اود اشلون
وانه وياك كلش خلّصـــت ودي
***
موفق اخي

شكرا الك حبي على المرور الجميل
نورت الموضوع
تحياتي الك