اسمك يا علــــي بالروح والعين

لبن ملجم اسبة ودوم والعيـــــن

كلبي الي نبض بالام والعيـــــن

وجعلتة اسلاح حرف الياء الية



***********

حبك رحمة صار انة وجنــة

لاذت انس بيه اسمك وجنــة

وكلبي هايم ابشخصك وجنة

ينبض ياعلي وهم يسري بية

**********

علــــــــى حبك يبو السجاد صرنة

ومن شخصك ثبتنة ودوم صرنــــة

جمعنة حروف اسمك حيل صرنة

وعكدناه بكلب صار الهــــــــــوية

*********

حبك عطر الدنية والــــــــــورود

نريدك تحظر الشدة والـــــــورود

وانت النور للماضي والـــــورود

يشع لجيال من ابن الزجيـــــــــة

***********

انت الصك يحيدر هم وصلنة

على البغضوك افزعنة وصلنة

ولولا محبتك ماضن وصلنة

الجنة الرحمن يالحبك هدية

**********

جرحي من ذكر اسمك هديتة

عمري الشخصك انت انه هديته

احبك انت والكلبي هديته

وافدي كل هلي الجرح الزجية

********

تحضر كلبي لمحرم واحس بي

وجنة ينطر ايامة واحس بي

امري اشكيته للباري وحس بي

اجت ايام لوعات الزجية

**********

اريد امشي انة الحيدر وعني

واشكيلة الزمن هدني وعني

على اعيالي اريد احجي وعني

امتوني اتجرحت بسياط امية

********

يخوية دموعي تنزف دوم اخلها

وجبال الكون بحزاني اخلها

واخلها اتصيح فكدت جم اخ الها

وبعدهم صارت الحرة سبية

*********

مصايب هالزمن حدت وجارت

على ايام الخدر راحت وجارت

وضلت تسعر الامي وجارت

وجروحي اتنوح هم تسعر علية

**********

المصايب خلن انة بس هدمنه

واذكرك ياعلي يوم الهد امنه

بعدك انت وامنة اشكد هدمنه

رضيع وما خلص من ال امية

*********

عجيبة شلون طلعت لليالي انجوم .....وعجيبة اشلون يكمل هالكمر بدرة

ماطاحن خجل ما عركن من العيب ..... لجل العسكري وجروحة متفجرة

****

ياكلب اليواسي كل كلب مهموم ..... وياخيمة التداري دمعة الأيتام

كلبك هو قرءان ودليل الدين .... كلي شلون طبروا هامة الاسلام



خادم اهل البيت عليهم السلام

احمـــــــــــد رفيش

الله الله

عاشت ايدك وايد الشاعر الرائع foraten.net/?foraten.net/?foraten.net/?foraten.net/? رفيش

والق شكر لك ولهذا الجهد المميز

دمت بحفظ الباري
مع اطيب امنياتي

**********
علــــــــى حبك يبو السجاد صرنة
ومن شخصك ثبتنة ودوم صرنــــة
جمعنة حروف اسمك حيل صرنة
وعكدناه بكلب صار الهــــــــــوية
*********


اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

بوركت اخي الغالي
جزاك الله خير الجزاء
ولا حرمنا الله مداد قلمك الحسيني

اختي العزيزة ام فيصل ...... شكرا لمروركي الذي انارة صفحتي ودمتي بالخير انشاء الله .
اخي الغالي الشايب العراقي ...... شكرا لمرورك الذي عطر صفحتي بعطرٍ حيدري موفق انشاء الله .
عمار الغزي ..... عزيزي بعزة الله شكرا لمرورك الذي انفح رياحين الورود في صفحتي .... بوركت اخي .
تحياتي لكم احبتي وموفقين انشاء الله .

انت الصك يحيدر هم وصلنة
على البغضوك افزعنة وصلنة
ولولا محبتك ماضن وصلنة
الجنة الرحمن يالحبك هدية

الله عليك يا حبيبي الغالي

عاشت الايادي يا طيب

تحياتي

باقة جميلة بارك الله فيك عزيزي

فارس الهيجاء :/ ...... لك مني اطيب التحايا واسال الله العلي القدير ان يرعاك ويوفقك على كل ماهو خيرا .
ملهمة الشعراء :/...... لكي مني جزيل الشكر والتقدير واسال الله ان يوفقكي على ماهو خيرا ....
تحياتي لكم جميعا احبتي .