رفيع التهذيب
17-12-2006, 06:04 AM
تحية طيبة عطرة وبعد ،،، فيسرني أن أقدم بين يديكم مجموعة من رواءع الشاعر / كاظم اسماعيل القاطع أتمنى أن تحوز على رضاكم .
حُبْ جديد
إنتِ
إنت حرٌكتي البحرْ منْ بعَد سكته
وإنتي
حليتي السؤالء الماعرفـته
وإنتي خليتي النجم
بعيوني يلتم
والنجم مو هينه لمته
إنتي رجـٌعتي النِفسْ
لِسنينْ ميته
وإنتي خـَلٌيتي الغصنْ
بالروح يثمرْ
كَــبلْ وكتــــه
وإنتي رجـٌعتي الحنينْ
البالصغر عند أمي شفتــه
إنتي ربحي وعَوٌضتْ كلما خسرتـه
ياجميـله بكل غصن
وجهج رِسمتـــــه
وجه ورده
والنـِده إيغازلها جبتـــه
جـِيتْ أشوفج والكَمـر
ويــاي جبتـــــــه
ويوم شافج أحله منــٌه
كَـاليٌ خـَلـٌيها سكتــــه
إنتـي ربحي وعَوٌضتْ كلما خسـرته
وانتي حَلـٌيتي السؤال الماعرفتـه
وإنتي رجـٌعتي الحَنيـن
إل بالزغـُر عند أمي شفتـَــه
ما مرتاح
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح
..ما مرتــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــاح
لأن قفل المحبه إنباكً
وِترهٌم عليه مفتاح
ما مرتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح
ولا جن الفجر مثل الفجر محبوب
لون الفجر صاير يقبض الأرواح
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت
!!!ومدمٌى إطلعت :-
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي ... وربعي قبل ما طيــح
واحد كًال للثاني
أبشـــــرك طـــــاح
أبشــــــــرك طــــــــاح
ليل المحطة
بانتظارك خلٌصت عمري إنتظار
عاشرت ليل المحطه
وارتجي إيجيبك قطار
والقطار !!لو يحب مثلي .
وتشب بضلوعه نار
يسرع إبمشيه ويجيبك
بالفجر قبل النهـــــــار
ولَو تعٌبني إنتظارك !!شارك العمر إبسنينـــه
إهواي كًالو مايجيك !!وكًلبي جاوبهم يجينه .. يجينــه
ناشدت كل روجه عنٌك
كل جرف كحَلت عينـــــه
وإسألت كل الشواطي
بلكت إتجيبك سفينـــــه
ولا سفينه ... ولا قطــــار
وخَلصٌتْ عمري إنتظــــــار !!
لا قطار ولا سفينـــــــه
وآنه والليل إبأمل جَيْتَكْ علينــــه
طيح يا دمع النده وكًطٌر بِدِينــه
إحنه ليليٌه إنتلاكًه
نسهر آنه وياك ياليل المدينــــــه
آنه عيني عالمحطه
وإنته عينك عالنهار
خلصٌت عمري إنتظـــــــار
التاجر
تريقت باقة صبر وقلاص هم
وتوكلت يارب عليك ..
غبشه .. نعسانه الشوارع ..
ومدري يانثيه بفجر دم تشتهيك
تذكرت .. تاجراعفره ..
قلي من تبيع روحك
مرلي بلكت أشتريك
وتمت الصفقة .. اشتراني
وحصتي هم رد أخذها
فكر بمشروع بي ادخل شريك
وصار يمليلي بشروطه
مااريد .. ومااريد ..
ومااريد ايدك طويله ..
كتله اقصرها وجيك
وابترتها امن المتن ورجعت
ابشره
وانذهل ..
ها وين ايديك
كتله عد عينك شلتها
قالي : كا شللي بيك ..
ومن هذاك اليوم ..
والتاجر نسه وسد القضية ..
وآنه منسى ..
معلق اعله رفوف صبري
وحتى صار تراب بيه ..
راحت ايدي ..
تفلشت اقوى الدفاعات
وخطوطي الأولية
ناس مقهورة اجت تبكي علي ..
وناس بطرانه اجت تحكي علي ..
شلون غلطه .. تسرعت قصيت اديه
هاي اديه ..
هاي اديه ..
صار تفتيش بسنه من السنين
أو عوضت من الهويه ..
هاي اديه ..
ياما لعبت ياما قبل الريح هبت
ياما بصدور الثلج نيران قبت
هاي اديه .. وهيه مقصوصه
شعر للناس كتبت !!
وصفوا جرح زين بمنطقتنا ..
حركو بعض الرماد بعود شخاط
وبعدها النار بيه
عفيه جراخ الحصار البي حميه
وحده يقدر
يقطع الخيط اللي يربطني
بشرايين المنيه
اتفقنا ..
وصارت الفقة بعيادة هالطبيب ..
اخذ ايد !!
وانطى كليه !!
وباشر الجراح وتمدد
شخص مومن ( اهلنا )
وخذ دم وجيب دم ..
واصعد انزل ..
والوسيط الجابني يصبر عليا ..
خلص مفعول المخدر .. فتحت
مالقيت اديه !!
حصدوا الكليه ولا زرعولي ايد !!
وصعد منسوب الكآبه
صفر .. عشره .. خمسطعش ..
تسعين .. ميه
وقع الدكتور تقرير بنسختين
وتركنا ..
ولازم الفراش باب الصيدليه
الكادر اتجمع على اهل الغريب
ايهني اهله
وآنه بالسديه نسوني وياحزن
ذيج المسيه ..
المضمد راد حقه !!
كتله مد ايدك بجيبي ..
لالا .. مد ايدك بصدري
يجوز هم تحتاج ريه
وجابلي الفراش سر
واعرفت منه تفاصيل القضيه
المريض الجان يمي ..
كليتي رهمت عليه !!
وايده مارهمت عليا !!
واهلي زعلوا
طردوني من العشيره ..
ومن فشلتي قمت اصيح ..
آنه مامحتاج ايدين ..
انتو شعليكم بديه ؟!
تبرعت بيهن لأن مااريد ..
يوم اتوازى .. واتنازل ..
وامد للناس اديه ..
وين صبح
وين صبح ؟
مدري والله .. بليل مظلم فارقيته
وين مسه ؟!
من طلع ماسد وراه الباب
لكن بالدرب هم بمشيته
دوره ..؟
كتلك مالقيته
شوف قلبك ..؟
كان قبل سنين بيته ..
شوف صدرك ؟
يكره المصدور ريته ..
شوف ضلعك ؟
مثل عود العنب يابس
وايست منه وطويته
دوره؟
كتلك .. مالقيته
ليش عفته ؟؟..
اعطشت مره وماسقاني ..
وعطش مره ومارويته
شوف صندوق الأسرار
بدون رزه
وكل حكي البيهن حكيته ..
شوف عينك ؟!!
كلن بعيوني وبكيته ..
زين ماشافوا النار
وفطنوا السله متاعك
زين ماشافوا دموعي
كالقوا بحر الدمع تابع اشراعك
زين ماشافوا زنودي
كالقوا شبكة وداعك
زين محد منهم اشتم
ريحة البوسه اعله خدي
وعالصدر دفو المكان البيه
ذراعك
اسهر بفنجان فارغ
واقلب الروح اعله نارك
بسمك وطشيت حرمل
زوقت حدي بشرارك
كنت مافاطن الحسنك
لكن بين لي البعد
كل الجمال
بسد سمارك
ليش ؟!
وانت بعيد احبك
ومن كنت وياي
كل ساعه انتعارك !!
المهاجر
قبل ساعة 12 تطفه المواويل
وتجي طيور المدينة تحط
على العين
تدور عن قلب يوسع للطيور
ويدوّر عن رصيف يلم
بكي اثنين
يودي عيونه قدامه
وتسبقه اسبوع
بلكي هناك
وصله قاع مشلوعه
وياجدم مهاجر
امن اسنين
بلكي هناك
والجدم اتسمر بين الخشب
وبطاقة البارات
حس مفتاح قاصه اندار
والجوع اويّ دمه اندار
ها .. ياجفى المحفور؟!
ياجغى بخمس قبور
اضمن بيك حق باكر
وجوع اسنين
لا ..
مفتاحها اكبر
وانطفه ويا الصوت
جنسيته اعله قلبه وبات
ليله ويا القمر بالطين
وياك حرب
هم ياقلب باليجي ..
وحن ياقلب عالراح
واسبح بشط الحزن
ظهر ومسه ومصباح
هيم بصحاري التعب
وتكويك من ترتاح
مادام ضاع القفل
شنسوي بالمفتاح ؟!
مليت وك ياقلب
دقاتك مسودنه وكنهن
بضلعي رماح
كم موت اجه ومامتت
يالبيك سبع ارواح
وياك انا حرب
وكل من يشيل سلاح
تقتلني لو اقتلك
بالحالتين ارتاح
فاتك قطار الهوي
وبعيد عنك صاح
والشيب حنا الزلف
والنوب بالخد لاح
امشي اعله حد الحزن
لان الحزن .. ذباح
ياآدم اشحصلت ؟!
من شجرة
التفاح !!!
مرثية العام الدراسي حيدر
حيدر
ألا يقلقك ضجيج العربات على
سكك المنايا ؟.
أنت اصغر المسافرين سنا ..
فكيف فتح لك قطار الموت أبوابه؟
وداعا ولدي ..
وداعا حيدر اسماعيل القاطع
بدا العام الدراسي وبدت لهموم
وبيتي عالمدارس صاير بابه
نسيت وداعتك جيت اشتري اهدوم
الك .. ومحضر اقلام ودفاتر
مو تسمع قيام وليش ماتقوم ؟.
ومراسمك ولامن قال حاضر
الشمس طلعت علينا مو وقت نوم
وهم عدكم صبح يااهل المقابر ؟.
وهم عدكم ضوه وشباك ونجوم
وهم ينطونكم واجب الباكر ؟.
الوالد بالوداع يصير مهموم
وآنه والد وشاعر
خيلك طشّرتني وكنت ملموم
وصارت طيحتي .. بين الحوافر
اذاع شرين يوم وماشفت نوم
شيظل بالحيل بالعشره الأواخر ؟.
فراش الفاتحه لو شفته ملموم
بنص قلوبنا تلقى الجوادر
يمنه المصبغه اوّدّينه لهدوم
الحزنك مشترينه قماش حاضر
تمنيتك جرح كل ساع ملجوم
وتبات الليل بشفاف الخناجر
انا يابوي من ونيت مالوم
نزل مني دمع يعمي النواظر
خدودي معوده تتندى كل يوم
وتحب الماي خشبات القناطر ..
لمت الروح بس شفادني اللوم
شلحّك ؟ وبسفينه الموت عابر
المنايا عالسطح وعيونها تحوم
عليك .. ونزلت لك نسر كاسر
ستر الله يغط بديارنه البوم
اخذ عين القلاده
وراح طاير
ديّني حلاتك حلو الرسوم
بلكي انعشَك دنيانه مظاهر
اظل كاظم وصبري وياي مكظوم
لوما هالخشب كوى الأظافر
اهن كاسين بيهن كاس مسموم ..
خاف اغلط وبالمسوم اكاسر
بعنا البيت ريت البيت مهجوم
وريت اكثر بعد من هالخساير
تحب انت اللعب والقبر ملموم
شلون اتحملت وشلون صابر ؟
وليش من الهوى يابوي محروم ؟؟
ونسمات الهوى اطّيب الخاطر
من هو ؟ الشوفك صورة المعدوم ؟
ماضنيت زرعي يروح فد يوم
وعصافير الحزن تقضي البيادر
من اكتب قصيدة تزيد غيوم
ومن عيني الدمع يملي الدفاتر
يبقى بهالمطر ياشعر منظوم
( نصارى الحسين ) وبحر وافر
شجرة النسيان
متت وياي من اول
وتريد تعيش تالي
قتلتك ..!!
كاصرت مثلي ؟!
وتريد تصير قتالي
احسّك ظل يرافقني
ويكبر من تجي الظلمه
يصير خيول وحشيه
وتطاردني
اروح الوين ؟!
رحت بكل مكان وسيفك اقبالي
اروح الوين ؟!
إلا اشلق جذر قلبي بشرايينه
واجمع نار واحرق كل شي
من بالي
احسك ظل يرافقني
يضحكني
ويبكيني
يسكتني ..
ويحكيني
اروح الوين ؟!!
ذبّيت بيه روحي
ولقيتك عالجرف تابوت تبرالي
احسك مدري شنهي انته ؟
بحر يتبدى بكفوفي
واريد اشرب ولا قطره
وشوف الروح مثل الروج
تتكسر على الصخره
وانا وطرواك ..
طاحونة هوى يفرنا
الهوى العالي
ياشارع يلمني بليل .. ماكو
بيت من اسوالفك خالي ..
واروح الوين ؟!
وعليّ تصيح ..
ضنيت العشق ورقة رساله
وتاهت ويا الريح ..؟
وانا الخنجر دفنته وغلّفه الزنجار
نمت
ومادريت الريح
تاخذ هالرساله القبرك السهران
وادلّيك بالعنوان
وتردّك عليّ ردود غيم وريح
ياشارع يلمني بليل
كل قطره مطر .. صخره
صخره على راسي اطيح
احسك ساجيه بلا ماي تتبعني
امشي ..
وهي تتبعني
التف بالدرب
تلتف على ايدي
تصي رحيه وحيل تلسعني
خذت سمها بوريدي
لوذت بالبستان
صرت ويا الشجر شجره
نص جسمي اندفن بالقاع
والباق يمن ايديه اغصان
صرت ويا الشجر شجره
وسمّوني بوقتها شجرة النسيان
ويمر الوقت بسكوت
واقعد من منامي
ولني مامقتول
اثاريني
كنت حلمان
حلمان
إلى كريم المنصور
بعدك تحن ..؟!
وش باقي عندك غير سله صغيره
لأوراق الحزن ؟
بعدك تحن ..؟
مو بس شواطي الذكريات
محرقه بيها السفن
ساكن البيت النار
كل هذا الوقت ..
ساكن ابّيت النار مو ماينسكن
توزع غناك بوحشة الحيطان
والعود انكسر
وبراسك اكثر من لحن
بعدك تحن ؟ بعدك تون ؟!
ليش الحزن رباك صاير لك ابو
وانته برضاتك صاير
الحزنك ابن ..
بعدك تحن ؟!
بعده الخلاف اويه الزمن
هوّه صعب وانته مرن..؟!
كافي السلاسل بالقلب
مو كافي شبعته سجن
افتح الباب ..
اشتم هوى
يالدافن سنينك دفن
شنهي اليجبرك عالصبر
وشنهي اليجبرك تنتظر
وشنهي خلوك ومشو
اوّزنوك من باعو وزن ؟!
المن تحن ؟!
ارجو ان تنال اعجابكم
:66 (46): رفيع التهذيب:66 (46):
حُبْ جديد
إنتِ
إنت حرٌكتي البحرْ منْ بعَد سكته
وإنتي
حليتي السؤالء الماعرفـته
وإنتي خليتي النجم
بعيوني يلتم
والنجم مو هينه لمته
إنتي رجـٌعتي النِفسْ
لِسنينْ ميته
وإنتي خـَلٌيتي الغصنْ
بالروح يثمرْ
كَــبلْ وكتــــه
وإنتي رجـٌعتي الحنينْ
البالصغر عند أمي شفتــه
إنتي ربحي وعَوٌضتْ كلما خسرتـه
ياجميـله بكل غصن
وجهج رِسمتـــــه
وجه ورده
والنـِده إيغازلها جبتـــه
جـِيتْ أشوفج والكَمـر
ويــاي جبتـــــــه
ويوم شافج أحله منــٌه
كَـاليٌ خـَلـٌيها سكتــــه
إنتـي ربحي وعَوٌضتْ كلما خسـرته
وانتي حَلـٌيتي السؤال الماعرفتـه
وإنتي رجـٌعتي الحَنيـن
إل بالزغـُر عند أمي شفتـَــه
ما مرتاح
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح
..ما مرتــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــاح
لأن قفل المحبه إنباكً
وِترهٌم عليه مفتاح
ما مرتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح
ولا جن الفجر مثل الفجر محبوب
لون الفجر صاير يقبض الأرواح
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت
!!!ومدمٌى إطلعت :-
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي ... وربعي قبل ما طيــح
واحد كًال للثاني
أبشـــــرك طـــــاح
أبشــــــــرك طــــــــاح
ليل المحطة
بانتظارك خلٌصت عمري إنتظار
عاشرت ليل المحطه
وارتجي إيجيبك قطار
والقطار !!لو يحب مثلي .
وتشب بضلوعه نار
يسرع إبمشيه ويجيبك
بالفجر قبل النهـــــــار
ولَو تعٌبني إنتظارك !!شارك العمر إبسنينـــه
إهواي كًالو مايجيك !!وكًلبي جاوبهم يجينه .. يجينــه
ناشدت كل روجه عنٌك
كل جرف كحَلت عينـــــه
وإسألت كل الشواطي
بلكت إتجيبك سفينـــــه
ولا سفينه ... ولا قطــــار
وخَلصٌتْ عمري إنتظــــــار !!
لا قطار ولا سفينـــــــه
وآنه والليل إبأمل جَيْتَكْ علينــــه
طيح يا دمع النده وكًطٌر بِدِينــه
إحنه ليليٌه إنتلاكًه
نسهر آنه وياك ياليل المدينــــــه
آنه عيني عالمحطه
وإنته عينك عالنهار
خلصٌت عمري إنتظـــــــار
التاجر
تريقت باقة صبر وقلاص هم
وتوكلت يارب عليك ..
غبشه .. نعسانه الشوارع ..
ومدري يانثيه بفجر دم تشتهيك
تذكرت .. تاجراعفره ..
قلي من تبيع روحك
مرلي بلكت أشتريك
وتمت الصفقة .. اشتراني
وحصتي هم رد أخذها
فكر بمشروع بي ادخل شريك
وصار يمليلي بشروطه
مااريد .. ومااريد ..
ومااريد ايدك طويله ..
كتله اقصرها وجيك
وابترتها امن المتن ورجعت
ابشره
وانذهل ..
ها وين ايديك
كتله عد عينك شلتها
قالي : كا شللي بيك ..
ومن هذاك اليوم ..
والتاجر نسه وسد القضية ..
وآنه منسى ..
معلق اعله رفوف صبري
وحتى صار تراب بيه ..
راحت ايدي ..
تفلشت اقوى الدفاعات
وخطوطي الأولية
ناس مقهورة اجت تبكي علي ..
وناس بطرانه اجت تحكي علي ..
شلون غلطه .. تسرعت قصيت اديه
هاي اديه ..
هاي اديه ..
صار تفتيش بسنه من السنين
أو عوضت من الهويه ..
هاي اديه ..
ياما لعبت ياما قبل الريح هبت
ياما بصدور الثلج نيران قبت
هاي اديه .. وهيه مقصوصه
شعر للناس كتبت !!
وصفوا جرح زين بمنطقتنا ..
حركو بعض الرماد بعود شخاط
وبعدها النار بيه
عفيه جراخ الحصار البي حميه
وحده يقدر
يقطع الخيط اللي يربطني
بشرايين المنيه
اتفقنا ..
وصارت الفقة بعيادة هالطبيب ..
اخذ ايد !!
وانطى كليه !!
وباشر الجراح وتمدد
شخص مومن ( اهلنا )
وخذ دم وجيب دم ..
واصعد انزل ..
والوسيط الجابني يصبر عليا ..
خلص مفعول المخدر .. فتحت
مالقيت اديه !!
حصدوا الكليه ولا زرعولي ايد !!
وصعد منسوب الكآبه
صفر .. عشره .. خمسطعش ..
تسعين .. ميه
وقع الدكتور تقرير بنسختين
وتركنا ..
ولازم الفراش باب الصيدليه
الكادر اتجمع على اهل الغريب
ايهني اهله
وآنه بالسديه نسوني وياحزن
ذيج المسيه ..
المضمد راد حقه !!
كتله مد ايدك بجيبي ..
لالا .. مد ايدك بصدري
يجوز هم تحتاج ريه
وجابلي الفراش سر
واعرفت منه تفاصيل القضيه
المريض الجان يمي ..
كليتي رهمت عليه !!
وايده مارهمت عليا !!
واهلي زعلوا
طردوني من العشيره ..
ومن فشلتي قمت اصيح ..
آنه مامحتاج ايدين ..
انتو شعليكم بديه ؟!
تبرعت بيهن لأن مااريد ..
يوم اتوازى .. واتنازل ..
وامد للناس اديه ..
وين صبح
وين صبح ؟
مدري والله .. بليل مظلم فارقيته
وين مسه ؟!
من طلع ماسد وراه الباب
لكن بالدرب هم بمشيته
دوره ..؟
كتلك مالقيته
شوف قلبك ..؟
كان قبل سنين بيته ..
شوف صدرك ؟
يكره المصدور ريته ..
شوف ضلعك ؟
مثل عود العنب يابس
وايست منه وطويته
دوره؟
كتلك .. مالقيته
ليش عفته ؟؟..
اعطشت مره وماسقاني ..
وعطش مره ومارويته
شوف صندوق الأسرار
بدون رزه
وكل حكي البيهن حكيته ..
شوف عينك ؟!!
كلن بعيوني وبكيته ..
زين ماشافوا النار
وفطنوا السله متاعك
زين ماشافوا دموعي
كالقوا بحر الدمع تابع اشراعك
زين ماشافوا زنودي
كالقوا شبكة وداعك
زين محد منهم اشتم
ريحة البوسه اعله خدي
وعالصدر دفو المكان البيه
ذراعك
اسهر بفنجان فارغ
واقلب الروح اعله نارك
بسمك وطشيت حرمل
زوقت حدي بشرارك
كنت مافاطن الحسنك
لكن بين لي البعد
كل الجمال
بسد سمارك
ليش ؟!
وانت بعيد احبك
ومن كنت وياي
كل ساعه انتعارك !!
المهاجر
قبل ساعة 12 تطفه المواويل
وتجي طيور المدينة تحط
على العين
تدور عن قلب يوسع للطيور
ويدوّر عن رصيف يلم
بكي اثنين
يودي عيونه قدامه
وتسبقه اسبوع
بلكي هناك
وصله قاع مشلوعه
وياجدم مهاجر
امن اسنين
بلكي هناك
والجدم اتسمر بين الخشب
وبطاقة البارات
حس مفتاح قاصه اندار
والجوع اويّ دمه اندار
ها .. ياجفى المحفور؟!
ياجغى بخمس قبور
اضمن بيك حق باكر
وجوع اسنين
لا ..
مفتاحها اكبر
وانطفه ويا الصوت
جنسيته اعله قلبه وبات
ليله ويا القمر بالطين
وياك حرب
هم ياقلب باليجي ..
وحن ياقلب عالراح
واسبح بشط الحزن
ظهر ومسه ومصباح
هيم بصحاري التعب
وتكويك من ترتاح
مادام ضاع القفل
شنسوي بالمفتاح ؟!
مليت وك ياقلب
دقاتك مسودنه وكنهن
بضلعي رماح
كم موت اجه ومامتت
يالبيك سبع ارواح
وياك انا حرب
وكل من يشيل سلاح
تقتلني لو اقتلك
بالحالتين ارتاح
فاتك قطار الهوي
وبعيد عنك صاح
والشيب حنا الزلف
والنوب بالخد لاح
امشي اعله حد الحزن
لان الحزن .. ذباح
ياآدم اشحصلت ؟!
من شجرة
التفاح !!!
مرثية العام الدراسي حيدر
حيدر
ألا يقلقك ضجيج العربات على
سكك المنايا ؟.
أنت اصغر المسافرين سنا ..
فكيف فتح لك قطار الموت أبوابه؟
وداعا ولدي ..
وداعا حيدر اسماعيل القاطع
بدا العام الدراسي وبدت لهموم
وبيتي عالمدارس صاير بابه
نسيت وداعتك جيت اشتري اهدوم
الك .. ومحضر اقلام ودفاتر
مو تسمع قيام وليش ماتقوم ؟.
ومراسمك ولامن قال حاضر
الشمس طلعت علينا مو وقت نوم
وهم عدكم صبح يااهل المقابر ؟.
وهم عدكم ضوه وشباك ونجوم
وهم ينطونكم واجب الباكر ؟.
الوالد بالوداع يصير مهموم
وآنه والد وشاعر
خيلك طشّرتني وكنت ملموم
وصارت طيحتي .. بين الحوافر
اذاع شرين يوم وماشفت نوم
شيظل بالحيل بالعشره الأواخر ؟.
فراش الفاتحه لو شفته ملموم
بنص قلوبنا تلقى الجوادر
يمنه المصبغه اوّدّينه لهدوم
الحزنك مشترينه قماش حاضر
تمنيتك جرح كل ساع ملجوم
وتبات الليل بشفاف الخناجر
انا يابوي من ونيت مالوم
نزل مني دمع يعمي النواظر
خدودي معوده تتندى كل يوم
وتحب الماي خشبات القناطر ..
لمت الروح بس شفادني اللوم
شلحّك ؟ وبسفينه الموت عابر
المنايا عالسطح وعيونها تحوم
عليك .. ونزلت لك نسر كاسر
ستر الله يغط بديارنه البوم
اخذ عين القلاده
وراح طاير
ديّني حلاتك حلو الرسوم
بلكي انعشَك دنيانه مظاهر
اظل كاظم وصبري وياي مكظوم
لوما هالخشب كوى الأظافر
اهن كاسين بيهن كاس مسموم ..
خاف اغلط وبالمسوم اكاسر
بعنا البيت ريت البيت مهجوم
وريت اكثر بعد من هالخساير
تحب انت اللعب والقبر ملموم
شلون اتحملت وشلون صابر ؟
وليش من الهوى يابوي محروم ؟؟
ونسمات الهوى اطّيب الخاطر
من هو ؟ الشوفك صورة المعدوم ؟
ماضنيت زرعي يروح فد يوم
وعصافير الحزن تقضي البيادر
من اكتب قصيدة تزيد غيوم
ومن عيني الدمع يملي الدفاتر
يبقى بهالمطر ياشعر منظوم
( نصارى الحسين ) وبحر وافر
شجرة النسيان
متت وياي من اول
وتريد تعيش تالي
قتلتك ..!!
كاصرت مثلي ؟!
وتريد تصير قتالي
احسّك ظل يرافقني
ويكبر من تجي الظلمه
يصير خيول وحشيه
وتطاردني
اروح الوين ؟!
رحت بكل مكان وسيفك اقبالي
اروح الوين ؟!
إلا اشلق جذر قلبي بشرايينه
واجمع نار واحرق كل شي
من بالي
احسك ظل يرافقني
يضحكني
ويبكيني
يسكتني ..
ويحكيني
اروح الوين ؟!!
ذبّيت بيه روحي
ولقيتك عالجرف تابوت تبرالي
احسك مدري شنهي انته ؟
بحر يتبدى بكفوفي
واريد اشرب ولا قطره
وشوف الروح مثل الروج
تتكسر على الصخره
وانا وطرواك ..
طاحونة هوى يفرنا
الهوى العالي
ياشارع يلمني بليل .. ماكو
بيت من اسوالفك خالي ..
واروح الوين ؟!
وعليّ تصيح ..
ضنيت العشق ورقة رساله
وتاهت ويا الريح ..؟
وانا الخنجر دفنته وغلّفه الزنجار
نمت
ومادريت الريح
تاخذ هالرساله القبرك السهران
وادلّيك بالعنوان
وتردّك عليّ ردود غيم وريح
ياشارع يلمني بليل
كل قطره مطر .. صخره
صخره على راسي اطيح
احسك ساجيه بلا ماي تتبعني
امشي ..
وهي تتبعني
التف بالدرب
تلتف على ايدي
تصي رحيه وحيل تلسعني
خذت سمها بوريدي
لوذت بالبستان
صرت ويا الشجر شجره
نص جسمي اندفن بالقاع
والباق يمن ايديه اغصان
صرت ويا الشجر شجره
وسمّوني بوقتها شجرة النسيان
ويمر الوقت بسكوت
واقعد من منامي
ولني مامقتول
اثاريني
كنت حلمان
حلمان
إلى كريم المنصور
بعدك تحن ..؟!
وش باقي عندك غير سله صغيره
لأوراق الحزن ؟
بعدك تحن ..؟
مو بس شواطي الذكريات
محرقه بيها السفن
ساكن البيت النار
كل هذا الوقت ..
ساكن ابّيت النار مو ماينسكن
توزع غناك بوحشة الحيطان
والعود انكسر
وبراسك اكثر من لحن
بعدك تحن ؟ بعدك تون ؟!
ليش الحزن رباك صاير لك ابو
وانته برضاتك صاير
الحزنك ابن ..
بعدك تحن ؟!
بعده الخلاف اويه الزمن
هوّه صعب وانته مرن..؟!
كافي السلاسل بالقلب
مو كافي شبعته سجن
افتح الباب ..
اشتم هوى
يالدافن سنينك دفن
شنهي اليجبرك عالصبر
وشنهي اليجبرك تنتظر
وشنهي خلوك ومشو
اوّزنوك من باعو وزن ؟!
المن تحن ؟!
ارجو ان تنال اعجابكم
:66 (46): رفيع التهذيب:66 (46):