(( نبع الحنان ))

شريد احجي يبــــو السجاد لمصابك ...... شريد اذكر الك يحسين شتذكر

لو اكضي العمر كلة أنــــــوح اعليك ....... مايكفي الدمع والنـوح للمنحر

لكن دوم الك يبقــى العمر ورقة ...... ودم هذا الــوريد من الجســد محبر

واخلي عيوني هي دموع سيالة ..... وكلبـــي ألحضرتك يحسين ألك دفتر

شكلك ياكلب جـــــدك شسولف بيك.....انت اكبر مصيبة ويا مصيبة اكبر

انت الرحمة صرت الهالبشر يحسين .....حبيب الله ورسولة وهم بعد اكثر

وانت الـــي بجيت اعلــى الذي عادوك ..... لان الهم جهنم ساعة المحشر

اذا العادوك دمعت عينك اعليهم ..... كلـــــي للبجــــــة اعليك بكلب يسعر

شتسوي الــــــــه يحسين يوم المات .... لابد تطفــــــي نارة وللكبر تحظر

يعني انت الحنان ورحمة المختار ..... وانت الزمزم ابجناتة والكـــــــوثر









خادم اهل البيت عليهم السلام

احمــــــــــد رفيش

انت الرحمة صرت الهالبشر يحسين .....حبيب الله ورسولة وهم بعد اكثر
وانت الـــي بجيت اعلــى الذي عادوك ..... لان الهم جهنم ساعة المحشر
اذا العادوك دمعت عينك اعليهم ..... كلـــــي للبجــــــة اعليك بكلب يسعر



احسنت عزيزي
وبوركت يمينك على هذا الإختيار المميز
دمت بهذا التألق
وعطر الله انفاسك


مع اطيب الأماني لك بالتوفيق

احسنت اخي الغالي كلك ذوق بختيار
القصايد لا حرمنا الله جديدك اخي الغالي
موفق باذن الله تقبل مني خالص التحايا

شكرا لمروركم احبتي وشكرا للعطر الذي وهبتموه لي بصفحاتي التي تعطرت بعطر اقلامكم وقلوبكم وتحياتي اليكم اينما كنتم ........ تحياتي