حبر دمك جفيته واذن بلا صوت
والخنصر امرته القصة يكتبهه

اكتب قصة المذبح عله خدود اللوح
وكل دمعه بني عله خدودة ينحبهه

وشافو مذبحك ما راووا الزهراء
وجابو طه لمك خاف تندبهه

وكتله الخنصرك اكتب سبايا وسوط
وشاف ابليس كظ اجفوفهم حبهه

وكتله اكتب عطش واطيته للعباس
عصر جيد العطش والجربة شربهه

وكتب راية طاحت والكمر على الكاع
استنكف من كتبه وصاح ما ذبهه

وكتب زينب سبوهه وما رضاهه حسين
كله امسح سبوهه وذبح السبهه

وكتب بالعكس خاف الخدر يغتاض
وكض اسياطهم بالخدر عذبهه

وكتب سلبو حسين وبدلوه باروح
لان منهم حسين ارواح سالبهه

اشيكتب ما كتب من وصل طفل حسين
الطفل مذبوح بيدة اشلون يكتبهه

وكتب عباس عالم وبلغات الموت
شاف السيف بيدة الروس يعربهه

رمو عين العلم وللم رماهم عين
وفكس عين العطش وبطشته صوبهه

وهذن عشرة يكل للخنصر العباس
يكتبن بس وصيه وطلبة طالبهه

عذر لسكينة اودي بمايي مارديت
ومايه عيني عمي السهم شاربهه

وكتب عن روحه بيده اشلون من ذبحوه
وعلى كصه اللوح دماه خضبهه


بقلم الشاعر المبدع

باسم الخاقاني

الله ياعمار
عاشت ايدك على نقل هذه القصيدة الرائعة
وبارك الله فيك

بس ياريت لو منظم الأبيات بالشكل العامودي لتظهر أكثر جمالا

مع تحياتي لك

:66 (46): :66 (46): :66 (46):

الله عليك ام فيصل
والله على هذا الحضور
والتشجيع الدائم
لا حرمني الله طلتك وتواجدك
ممنون منك ام فيصل
اسف اذا كانت القصيدة غير منضمه
والان هي بشكل الصح
شكرا لمرورك الغالي بصفحتي
تقبلي ودي

عطر الله انفاسك وعاشت اناملك لاختيارك الرائع
وجعلنا واياكم من خدام اهل البيت عليهم السلام
دمت بالف خير
تحياتي الك

عطر الله انفاسك وعاشت اناملك لاختيارك الرائع

وجعلنا واياكم من خدام اهل البيت عليهم السلام
دمت بالف خير

تحياتي الك

:66 (46): :66 (46): :66 (46):

امين رب العالمين
شكرا لتواجدك العطر بصفحتي
اختي الغالية احلام لا حرمني الله
طلتك تقبلي خالص ودي