يالبايع عشرتي
بدمع عيني سكيتك من عطشت بيوم
وبعيوني حفضتك خفت لاتنجاس
وضميتك ذخر لومر عليه العوز
تهل سلوه بوحشتي ساعة الوهواس
ونذرت أيام عمري وطشرت السنين
وبعت داسي برخص حتى اشتريلك داس
وساومت ألقصيده وبالشعر ضحيت
وجيت أباب بيتك طشرت الإحساس
وحجو عنك الوادم كالو بلادين
وكلتلهم غلط جذبت حجي الناس
ليش بلا وداع تبيع حفن سنين
وتجرعني المواجع كاس تلوه ألكاس
وليش بروض حبنه تحل مناجل غيض
تكطع ورود حبنه وويون غصن الياس
وليش بثوب الأبيض تحرك الأشواك
وبصيوان عرسك تختنك الأنفاس
صدك بحضان غيري هسه راح تنام
صدك شفتك بشفه غيري تنباس
وماشوفك بعد لاعيني تفرح بيك
ولا بنبرات صوتك يسكت الوسواس
يالبايع عشرتي حاط الله وياك
انه امشي عله غدرك شارة العباس
بقلمي

ليش بلا وداع تبيع حفن سنين
وتجرعني المواجع كاس تلوه ألكاس
وليش بروض حبنه تحل مناجل غيض
تكطع ورود حبنه وويون غصن الياس
وليش بثوب الأبيض تحرك الأشواك
وبصيوان عرسك تختنك الأنفاس
صدك بحضان غيري هسه راح تنام
صدك شفتك بشفه غيري تنباس
وماشوفك بعد لاعيني تفرح بيك
ولا بنبرات صوتك يسكت الوسواس
********************
الله الله
ما اروع هذه الكلمات
سكبت الاحساس قبل الحرف
داعبت مفردتك شغاف القلب
واطربت تلابيبة
استمر على هذا النهج
فأنت تحمل قلم قل نظيره
انا هنا بأنتظار ما يجود به يراعك
فلا تحرمنا جديدك