تنازلت وبعتني ليش وشلون
كلبك مــنكســـر لمن بعتني ؟!

شلت سنين حزنك بين العيون
وانت بكم شهر ماشلت حزني !

صبرت اني وكلت دمعاتي تهون
ومن جيتك لكيتك فاركتني

شيفيد الدمع لو زخته اعيون
وانته بعينك الصلفه تركتني

لتكول الزمن غدار ويخون
زمانك ماغدر وانته غدرتني

امسح كلشي ضل بالماضي مسجون
وامسح ذكرياتي الصبرتني

واوعدك راح امسحك من الجفون
مثل مابيدك الوكحه امسحتني

مو كتلي الامان بجنبك يكون ؟
بامانك ليش غفله وضيعتني

لجلك حاربت كل اهلي والكون
كلت ماريد غيرك يل عفتني

مايحتاج اعاتب واطلب العون
منك وانته بيدك عذبتني

ولا يحتاج اكلك طبعك تخون
تعرف نفسك انته شكد خنتني

حبيتك صدك حب طفل مجنون
و انطيتك حياتي وموتــــتــني

اشكرك علمتني الحب والضنون
ودروس هواي اشكرك علمتني

الله الله
رائع انت يا foraten.net/?foraten.net/?foraten.net/?foraten.net/?
استمر بهذا التألق
لك ولاهلنا في بابل الحبيب
اسمى ايات الود والتحايا العطرة

الف شكر حبي

على ردك الروعه

ماشاء الله عليك من الاحلى للاحلى انشاء الله يامبدع

حياك ياforaten.net/?foraten.net/?foraten.net/?foraten.net/? على هذة القصيدة الرائعة