بهظم زينب تعنت ترجه واليها
تريد اليوم منه جفوف حاديها
***********
أجت زينب تنوح ولا فكر عدها
ودمعات المصايب حفرن خدها
تريد جفوف ياما لاذت بسدها
وعن شر العده والظيم تحميها
************
عن شر العده ياما نخت عباس
أخوها ألجان يحرسها وتهابه الناس
وبطلعت أبو فاضل تشيل الراس
كل شده بصلابة جفه يلويها
*************
ياليث الوغى يلما عرفت الخوف
يارايةعلي وجف بالوفه ملفوف
كصدت النهر وأعليه المنايه تطوف
تود لختك بديك الماي ترويها
***************
سمعت بيك طبيت الشريعة بزود
لجل زينب تضّحي الروح بيها تجود
علت صيحات خوف تصيح راعي الجود
لفانه وجفه بينه اليوم يجفيها
**************
من خوف العده هجمت عليه آلاف
تعنه بهمه ليها ومنها لا ماخاف
لاواها ولواها وبالمنايه طاف
وبجفه العساكر كام يبريها
************
مثل جفك يحيدر تحصد الارواح
فرت منها مذهوله انس واشباح
ماهمه السيوف ولاترده ارماح
مثلك للنوايب دوم يجليها
************
جلاها من الشريعه وطب يريد الماي
فج سيفه المنايه وللنهر عناي
هم يشرب تذّكر لوعتي من ضماي
ومذّكر حراير تتنه ساجيها
***********
ساجيها تعطل شالسبب يحسين
اخبرني واخذ روحي وضواها العين
صدك عباس عالشاطي بلا جفيين
وعيونه بسهم مسموم طافيها
***********
طفت عينه وعلى صدره تدوس الخيل
كسر ضهري يزينب وراح مني الحيل
عكب عباس ظلمه ولاتوارى الليل
راح ألجان بأنواره يضويها
***********
وأحنه وياج يازينب نون ونوح
بلطمنه أعله الكمر نترس صدرنه جروح
عكب عباس مهظومه وعليله الروح
وبس جف الكمر للروح تشفيها
**********
تظل الروح ملهوفه وتعيش وياه
وكل شده تنادي بسمه تتنخاه
خدِامه لبو فاضل تظل ترجاه
من حوض الجنان بجفه يسجيها
*******************************
عظم الله لكم الاجر



توفيق

عظم الله لك الاجر اخي توفيق
وبارك الله بك عاشت الايادي

وأحنه وياج يازينب نون ونوح
بلطمنه أعله الكمر نترس صدرنه جروح
عكب عباس مهظومه وعليله الروح
وبس جف الكمر للروح تشفيها
**********
تظل الروح ملهوفه وتعيش وياه
وكل شده تنادي بسمه تتنخاه
خدِامه لبو فاضل تظل ترجاه
من حوض الجنان بجفه يسجيها



السلام على شبل المرتضى الكفيل
السلام على مقطوع الكفين
السلام على قمر العشيرة
وعظم الله لكم الأجر عزيزي

ولك مني الف تحية على هذه القصيدة الرثائية الأكثر من رائعة

الاخ عمار....بارك الله فيك وعظم لك الاجر....شكرا لمرورك

توفيق

الغالية أم فيصل...عظم الله اجرك وتقبل اعمالك....شكرا لمرورك

توفيق

بارك الله بك اخي العزيز
على القصيده الرائعه
وعظم الله اجورنا واجوركم بمصاب
ابي الاحرار واهل بيته واصحابه
وجعلك الله من الموالين
وتقبل تحياتي

الاخ الكريم..هاشم نجم....تقبل الله اجركم بمصاب ابي الاحرار...شكرا لمرورك
توفيق

السلام عليكم يا سيدي ومولاي يا أبا عبد الله الحسين


وعلى الأرواح التي حلّت بفنائكم





بارك الله بهذه الروح الحسينية


أعظم الله لكم الأجر أخي الكريم



وجمعنا وإياكم مع الحسين يوم القيامة








مريم عودة