خوية حسين خوية حسين وين الكمر نايم وين

وديني صوب المشرعة وخليني خوية اودعة
وين الكمر نايم وين

يحسين الكلب للمشرعة يجرنــــي وتريد عيوني تعتب عالهجرني

دموع العين تعتب والعتب هدني وطفي ناري البكلبي واله اخذنـي

اقسم عليك الزجية خوية كوم وردة الية

وسكت الكلبي الونين وين الكمر نايم وين

يحسين الجروح اتصيح منه اتريد انهض ياكمر والنوم لا ميفيد

بلكت يسمع اعتابي ويردلي الحيد ينهض يرفع البتار من أجديد

واشكي من ال امية ووهم بالسادي على اخية

ويسمح من اخته الأنين وين الكمر نايم وين

اريد اكعد يخوية يمه واحجيله واكلة اشلون تترك بعدك العيله

عطاشا وهم اخوك المنهدم حيله كلي شلون يخفت للكمر ليله

واكلة خوية ياعباس وحيد حسين بين الناس

زمان أندار اله والبين وين الكمر نايم وين

واكلة اسمع يخوية للكلب ونته كوم انهض يبو فاضل جفيلي انته

السهم جتال خوية بعينك الشفته صوب كلبي هم كلبي الك جبته

يخوية وروحي هالتنخاك هاك الكلب اخذه وياك

الشوك اخذني والحنين وين الكمر نايم وين





لن صوت الجفيل ابمسمعي ينادي اعذريني يزينب انتي واولادي

طحت غصبن علي واعلى النهر سادي اودعج ملتحق يم جدي الهادي

سمعته بحسرة ينخاني يزينب صدي عدواني

ومن صبرج لخوي حسين وين الكمر نايم وين

خوية حسين خوية حسين وين الكمر نايم وين

وديني خويه يمه خليني اشبع ابشمه
وين الكمر نايم وين



******************





خادم اهل البيت عليهم السلام

foraten.net/?foraten.net/?foraten.net/?foraten.net/? رفيش

عظم الله لنا ولكم لاجر
عاشت وبوركت الايادي

خوية حسين خوية حسين وين الكمر نايم وين
وديني خويه يمه خليني اشبع ابشمه
وين الكمر نايم وين


عظم الله اجورنا واجوركم بمصاب ابى عبدلله الحسين

مشكور اخي العزيز

السلام على قطيع الكفين

مشكور عزيزي القلب الأسير
على هذا النقل والإختيار المميز
وعظم الله لكم الأجر
مع تحياتي لك

بارك الله بك اخي العزيز
وعظم الله اجورنا واجوركم
بمصاب ابي عبداللله واهل بيته واصحابه
تقبل تحياتي

شكرا لمروركم احبتي ودمتم بالخير انشاء الله ولكم مني اطيب التحايا والتقدير