دارميات على المودة / جديدة




مفخخات وأسلحة وأميركان

الدهر بس وياي عالنهه حربه
مو طلقة حط بالروح حط بيهه " بمبه"



" فخختْ " روحي اليوم كل هذا لجلك
ولو مارضوا ينطوك انفجر بهلك



بين الگلب والروح اهنا اخليك
واكتب " خطر ممنوع " محد يمر بيك



ظلمة " وحظر تجوال " وامريكي عل الباب
ولو تنگلب طلقات اتعنه الاحباب



" مفخخ " صرت بهواك صرت انتحاري
تفجيري " بالريموت " بيدك قراري



من كثر مامشتاگـ تيهت نفسي
اجرت الامريكان حسبالي تكسي



" عبوة " وزرعني الشوگ صرت علة دربك
واعذرني لو " طگيت " فجرني حبك



انترنت وكومبيوتر وسفر



" فرمتت " هاي الروح من كل الاوهام
واول اسم حطيت اسمك على " الرام "



الگلب نص الليل حن وذكركم
والعقل صاير" رام " يخزن صوركم



" بالنت " صدگ حبيت، حبيت بخبال
تالي فتحت " الكام "، طلعتلي رجال



صح البشر حلوين بس الك ميزة
تدخل گلب تهريب وبلية " فيزة "



تلفونات موبايل " نقال "

دگ گلبي ست دگات والگلب " هزاز"
" نقالي " هم شيطان يعرفهم اعزاز



فارغ حبيب الروح نايم على الريش
خايف على " السنتات " گاضيها " ترميش"



موصوجك انته الصوج كله من اديه
سويتلك " مس كول " تفتح عليه



لا " مسج " لا " مس كول " چا شنهي فلمك
دزلي رساله ابساع لاامسح اسمك



دايخ وافكر بيك ومشوش البال
خابرت " بالريموت " حسبالي " نقال "



فرفح جهازي عليك ثق فرفح" الرام"




والشحن من دگيت يرگص "هجع" گام

عجبتني فأود ان تعجبكم

تسلمين على هذة الباقة الرائعة من الدارميات
بس عزيزتي انة خفت اقراهن خاف بيهن عبوة واروح ابشربة ماي
تحياتي
السلطاني

هههههههههه
والله حلوات
بس بيهن يخوفن
ياساتر
لو ما الهجع كان رحنا بييه
تحياتي

باقة رووعه من الدارميات
عاشت الايادي شهد
تقبلي مروري