reema alhafid
14-12-2006, 10:12 AM
السلام عليكم قصه جميله وانا متاكده انها ستعجبكم
كان وياماكان في سالف ايام بغداد الحلوه من جانت بغداد
اكو فد اخ واخته عايشين بامان في وسط بيت كبير تحوطه سبع نخلات كبيره وعايشين بسعاده كبيره مع المال اللي تركه ابوهم الهم الولد يطلع للشغل والبنيه بالبيت تنظف وتعمل الاكل حتى ياكلون سويه وما فد يوم واحد غث الثاني ابد وراح يوم واجه يوم والبنيه كامت اتلح على اخوهه ليش ماتتزوج مو ان اوانك اشلون اتضل هيج البيت فاضي ولازم اتكمل دينك واني هم اتسلى وياهه
يرد اخوهه عليهه ايكول اني مااريد اجيب وحده للبيت اتغثج وتاذيج وفضيهه سيره اني ماراح اتزوج وراح يوم واجه يوم وعادت عليه الفكره الى ان كلهه انتي على مسؤليتج شوفيلي بنت الحلال
البنيه ماصدكت وبروحاتهه لحمام السوك مالت النسوان تعرفت على بنيه بالحمام ودكن عشره سويه وحده اتحب الثانيه ويوم من الايام كالتلها اني اريد اخطبج لاخويه شتكولين البنيه استحت وكالت ابكيفكم وتعالوا لاهلي وهيه خجلانه ومن ثاني يوم ودوا مشايه يعني خطابه لاهل البنيه وصارالزواج
والله سبحانه وتعالى تممه بخير وعاشوا الثلاثه سعيدين وخلصت القصه ها شنو رايكم حلوه
لالالالالالالالالالالالالالالالالالالالالالالالا ما خلصت وشوفوا اشصار بيهم
البنيه بالبدايه كانت مثل الاخت لصديقتهه اخت الولد وكانوا من وحده تعطش اتكولهه اني اجيبلج ماي
وحده اتعين الثانيه وبيوم من الايام حملت المره وكانت صاحبتنه اداريهه هوايه وخالتهه بوسط عيونهه وكبرت بطنهه وصارت اخت الولد ماتطلع من المطبخ ليل مع نهار وهذيج ماتشيل ايدهه على اي شي بالبيت ولاتتحرك وشالت خشمهه على صاحبتهه وكامت تتامر وتصيح عليهه اذا فد شي اتعطل عليهه وكامت مرت الاخ تحقد وتفكر ليل مع نهار اشلون تتخلص منهه اي مو الورث كله الهه والولدهه ليش لا
وبيوم من الايام مر ابو بيض الكمبره ويصيح بيض الكمبره يحمل المره منو العاكر يله خلي تشتري
واجرب جرب وطلعتله هاي المشيطنه وشترت منه 3 بيضات ودخلت على السريع حتى محد ايشوفهه
وسوت ذاك الريوك المعدل وصاحت صاحبتنه المسيجينه وكالتلهه كومي خيه سويتلج ريوك انتي تعبانه ليل مع نهار البنيه ماصدكت سبحان مغير الاحوال هاي شبيهه من الصبح وياي بلكي الله هداهه اليه وكامت وتريكت وياهه وكلتلهه اكلي اكلي :66 (45):
ورمي عضمج صايره ظعيفه خطيه والبنيه خلصت البيضات كلهن وراح يوم واجه يوم والبنيه كبرت بطنهه بسرع بسرعه واحوالهه اتغيرت كولش
وكامت اتخاف تطلع لاخوهه لمن يجي من الشغل
بس اتخلي الاكل وتروح لغرفتهه وتبجي على حظهه ومره مرتين اخوهه فكدهه وكال اني لازم اشوف شنو باختي ليش ضامه روحهه عني ودخل الغرفه مالتهه ولكاهه بطنهه لخشمهه وكلهه ليش خويه مو احنه تربيتنه ماكو مثلهه ليش خويه اتسوين بينه وتشمتين العالم بينه وهذيج تتنصت للحجي وطلع الاخ مرعوب ومنهار ويصيح على مرته انتي وين جنتي عنهه ليش ماكايلتلي كالتله واني شمدريني اشو اني من صبح الله الى الليل بالمطبخ وهيه بس نايمه واني عندي جهال اثنين
وين اللحك عليهم لو على وللدك لو على اختك
الحبله وهذا اتخبل وزاد خباله واخذ اخته من الليل وركبهه على الحصان ومشو بليل اسود والبنيه تتوسل بيه وتكوله دخيلك والله ماخنتكم ولا طلعت مني العيبه بيوم وماادري شنو صارلي واخوهه يبجي عليهه بدل الدمع دم الى ان وصلوا مكان كلهه خلي انام كلتله اخويه فدوه لا تخليني لوحدي ولاتذبحني احلفك بحليب امي عليك فدوه خويه:66 (6): :66 (6):
وناموا وصار الصبح وفزت البنيه ولكت روحهه لوحدهه بالصحراء ومابيهه ولا جنس بشروستندت على شجره من التعب والبجي ومتشوف الا واجاهه الطلق وجابت البنيه ثلاثت طيور حلوات ايخبلن من جمالهن والبنيه كالت انتوا منووشلون انتوا اطيور
كلولهه احنه راح انكطعلج تفاح يمه من الشجره وبقدرة الله وكع تفاح من الشجره وكلولهه هسه احجيلنه شنو سالفتج يمه وسولفتلهم على كلشي
وكلولهه عد عيناج احنه راح نساعدج وطارن الطيوروراحن لبيت خالهن وحطن على السياج
ولكن خالهن كاعد ياكل هو ومرته وولده اثنين
بصحن الدار وكامن ايصيحن :66 (124):
ياخالنه ياقشمره يمصدك بجي المره شلون بيض الكمبره ايحبل المره :3:
وكامن ايعيدن كل شوي وهيه مرته سمعتهن وهشتهن من على الحايط وخافت لارجلهه يسمع
وثاني يوم رجعن الطيور وعادن نفس السالفه
الى ان سمع الاخ وكال عيفيهن عيفيهن خلي اسمع شدايحجن وسمع ياخالنه ياقشمره يمصدك بحجي المره شلون بيض الكمبره ايحبل المره وهذا اتخبل وذبلهن دخن وشبعن وحجه وياهن انتن منين كالن احنه ولد المسيجينه اللي صدكت ابمرتك وعفتهه
لوحدهه بلا جرم ولاذنب بس الله اللهه وهذا اتخبل وكال اخذوني لاختي وراح لاخته ايدور عليهه والطيور تبعنه الى ان وصل لاخيته ولكاهه خاله راسهه بحجرهه وتبجي والجوع والقهر ماذيهه
وكلهه هاخويه شلونج وين وصل بيج الدهر امشي خويه امشي وحقج بركبتي الى ان وصلوا للبيت ولزم مرته ووداهه لاهلهه واخذ الجهال منهه وراح
لاهلهه وكللهم علموا بنتكم الوفه وعاش ويه اخته واطفاله بخير وسلام والطيور
يوميه ولد خالهم ايذبولهم دخن بصحن الدار واني خليتهم واجيت:66 (46): :66 (6): :66 (46): :66 (6): :66 (46): :66 (6): :66 (46): :66 (6): :66 (46): :66 (8):
وسمعونه احله ردود شباب
كان وياماكان في سالف ايام بغداد الحلوه من جانت بغداد
اكو فد اخ واخته عايشين بامان في وسط بيت كبير تحوطه سبع نخلات كبيره وعايشين بسعاده كبيره مع المال اللي تركه ابوهم الهم الولد يطلع للشغل والبنيه بالبيت تنظف وتعمل الاكل حتى ياكلون سويه وما فد يوم واحد غث الثاني ابد وراح يوم واجه يوم والبنيه كامت اتلح على اخوهه ليش ماتتزوج مو ان اوانك اشلون اتضل هيج البيت فاضي ولازم اتكمل دينك واني هم اتسلى وياهه
يرد اخوهه عليهه ايكول اني مااريد اجيب وحده للبيت اتغثج وتاذيج وفضيهه سيره اني ماراح اتزوج وراح يوم واجه يوم وعادت عليه الفكره الى ان كلهه انتي على مسؤليتج شوفيلي بنت الحلال
البنيه ماصدكت وبروحاتهه لحمام السوك مالت النسوان تعرفت على بنيه بالحمام ودكن عشره سويه وحده اتحب الثانيه ويوم من الايام كالتلها اني اريد اخطبج لاخويه شتكولين البنيه استحت وكالت ابكيفكم وتعالوا لاهلي وهيه خجلانه ومن ثاني يوم ودوا مشايه يعني خطابه لاهل البنيه وصارالزواج
والله سبحانه وتعالى تممه بخير وعاشوا الثلاثه سعيدين وخلصت القصه ها شنو رايكم حلوه
لالالالالالالالالالالالالالالالالالالالالالالالا ما خلصت وشوفوا اشصار بيهم
البنيه بالبدايه كانت مثل الاخت لصديقتهه اخت الولد وكانوا من وحده تعطش اتكولهه اني اجيبلج ماي
وحده اتعين الثانيه وبيوم من الايام حملت المره وكانت صاحبتنه اداريهه هوايه وخالتهه بوسط عيونهه وكبرت بطنهه وصارت اخت الولد ماتطلع من المطبخ ليل مع نهار وهذيج ماتشيل ايدهه على اي شي بالبيت ولاتتحرك وشالت خشمهه على صاحبتهه وكامت تتامر وتصيح عليهه اذا فد شي اتعطل عليهه وكامت مرت الاخ تحقد وتفكر ليل مع نهار اشلون تتخلص منهه اي مو الورث كله الهه والولدهه ليش لا
وبيوم من الايام مر ابو بيض الكمبره ويصيح بيض الكمبره يحمل المره منو العاكر يله خلي تشتري
واجرب جرب وطلعتله هاي المشيطنه وشترت منه 3 بيضات ودخلت على السريع حتى محد ايشوفهه
وسوت ذاك الريوك المعدل وصاحت صاحبتنه المسيجينه وكالتلهه كومي خيه سويتلج ريوك انتي تعبانه ليل مع نهار البنيه ماصدكت سبحان مغير الاحوال هاي شبيهه من الصبح وياي بلكي الله هداهه اليه وكامت وتريكت وياهه وكلتلهه اكلي اكلي :66 (45):
ورمي عضمج صايره ظعيفه خطيه والبنيه خلصت البيضات كلهن وراح يوم واجه يوم والبنيه كبرت بطنهه بسرع بسرعه واحوالهه اتغيرت كولش
وكامت اتخاف تطلع لاخوهه لمن يجي من الشغل
بس اتخلي الاكل وتروح لغرفتهه وتبجي على حظهه ومره مرتين اخوهه فكدهه وكال اني لازم اشوف شنو باختي ليش ضامه روحهه عني ودخل الغرفه مالتهه ولكاهه بطنهه لخشمهه وكلهه ليش خويه مو احنه تربيتنه ماكو مثلهه ليش خويه اتسوين بينه وتشمتين العالم بينه وهذيج تتنصت للحجي وطلع الاخ مرعوب ومنهار ويصيح على مرته انتي وين جنتي عنهه ليش ماكايلتلي كالتله واني شمدريني اشو اني من صبح الله الى الليل بالمطبخ وهيه بس نايمه واني عندي جهال اثنين
وين اللحك عليهم لو على وللدك لو على اختك
الحبله وهذا اتخبل وزاد خباله واخذ اخته من الليل وركبهه على الحصان ومشو بليل اسود والبنيه تتوسل بيه وتكوله دخيلك والله ماخنتكم ولا طلعت مني العيبه بيوم وماادري شنو صارلي واخوهه يبجي عليهه بدل الدمع دم الى ان وصلوا مكان كلهه خلي انام كلتله اخويه فدوه لا تخليني لوحدي ولاتذبحني احلفك بحليب امي عليك فدوه خويه:66 (6): :66 (6):
وناموا وصار الصبح وفزت البنيه ولكت روحهه لوحدهه بالصحراء ومابيهه ولا جنس بشروستندت على شجره من التعب والبجي ومتشوف الا واجاهه الطلق وجابت البنيه ثلاثت طيور حلوات ايخبلن من جمالهن والبنيه كالت انتوا منووشلون انتوا اطيور
كلولهه احنه راح انكطعلج تفاح يمه من الشجره وبقدرة الله وكع تفاح من الشجره وكلولهه هسه احجيلنه شنو سالفتج يمه وسولفتلهم على كلشي
وكلولهه عد عيناج احنه راح نساعدج وطارن الطيوروراحن لبيت خالهن وحطن على السياج
ولكن خالهن كاعد ياكل هو ومرته وولده اثنين
بصحن الدار وكامن ايصيحن :66 (124):
ياخالنه ياقشمره يمصدك بجي المره شلون بيض الكمبره ايحبل المره :3:
وكامن ايعيدن كل شوي وهيه مرته سمعتهن وهشتهن من على الحايط وخافت لارجلهه يسمع
وثاني يوم رجعن الطيور وعادن نفس السالفه
الى ان سمع الاخ وكال عيفيهن عيفيهن خلي اسمع شدايحجن وسمع ياخالنه ياقشمره يمصدك بحجي المره شلون بيض الكمبره ايحبل المره وهذا اتخبل وذبلهن دخن وشبعن وحجه وياهن انتن منين كالن احنه ولد المسيجينه اللي صدكت ابمرتك وعفتهه
لوحدهه بلا جرم ولاذنب بس الله اللهه وهذا اتخبل وكال اخذوني لاختي وراح لاخته ايدور عليهه والطيور تبعنه الى ان وصل لاخيته ولكاهه خاله راسهه بحجرهه وتبجي والجوع والقهر ماذيهه
وكلهه هاخويه شلونج وين وصل بيج الدهر امشي خويه امشي وحقج بركبتي الى ان وصلوا للبيت ولزم مرته ووداهه لاهلهه واخذ الجهال منهه وراح
لاهلهه وكللهم علموا بنتكم الوفه وعاش ويه اخته واطفاله بخير وسلام والطيور
يوميه ولد خالهم ايذبولهم دخن بصحن الدار واني خليتهم واجيت:66 (46): :66 (6): :66 (46): :66 (6): :66 (46): :66 (6): :66 (46): :66 (6): :66 (46): :66 (8):
وسمعونه احله ردود شباب