http://www.halauae.com/uploads/ac1a9e370f.gif



طبعأ انا عضو جديد بالمنتدى

وهاي أول مشاركه ألي وبهذا القسم الشعر الشعبي

لآن انا من محبين الشعر

واليوم جبتلكم قصيده بقلم أخوي

{الشاعر علي النجفي}

وان شاءلله تعجبكم



~~~~~~



عيوني تدمع وآنه أكتب البيت
لعد شيصير بيه من أكتب قصيده



آنه الحبك وعطفك اشتاكيك
ولازمني الحزن ايدي ويا ايده



سبحان الذي صورك بألأخلاق
وكلبي لو شافك علن عيده



دمرني حبك ثق واعتقد بالله
وحبي الك نشروه بالجريده



بأول صفحة حطوا العنوان
انسان فقد كلبه و وريده



متكلي شلون اكدر بلياك
وشلون اتنفس هوى ما اريده




تمنيت كلبك سمجه ويسبح بماي
واحطله وصله من كلبي واصيده




صياد ماهر عني يكولون
صاد حبه من بعد غيبه مديده




مشتاك ألك والكلب ولهان
ولشوفتك انسى حتى العقيده




ابوسك من شفتك واشبع حظن بيك
وآخذك لدروب عندي جديده




صح تخاف من هلك وتحسب حساب
وعبالك نروح لأماكن بعيده




بس تدري وين آخذك وين نروح
ادليك على حبي الماخلص لأجلك رصيده




أحبك وحق من انزل القرآن
ومحبتي الك يالغالي أكيده



~~~~~~


وان شاءلله عجبتكم القصيده


تحـــياتي ,,


•يسـألونيے ليهہ أحبــگے•



http://www.halauae.com/uploads/21b7e4abd9.gif

صح لسانك عزيزي
وعاشت ايدك على هذا النقل المميز
وسلم لنا الشاعر علي النجفي
بداية موفقة ان شاء الله
نورت المنتدى
تمنياتي لك بالتوفيق مع خالص تحياتي

صح لسانك عزيزي
وعاشت ايدك على هذا النقل المميز
وسلم لنا الشاعر علي النجفي
بداية موفقة ان شاء الله
نورت المنتدى
تمنياتي لك بالتوفيق مع خالص تحياتي



وانتي العايشة عيوني

مشكوررة يالطيبة عالمرور الرائع

ودي ~