عايش بدونك شمعه
وتموع بنار العذاب
مقفول كلبي بيدك
ومضيع بصفنتك المفتاح
كضيت العمر بيدي
اجني حب الاحباب
ومن رحلت أنته عني
ضليت طير مكسور الجناح
درس انته وبصف المشاعر
بهمس الشفه ذابو عليك طلاب
يلعيونك سمه والحواجب غيوم
تمطر خجل اعله خد يضوي مصباح
لاتفوت بكلبي اخاف تتيه بين الصفحات
ولعشك صاير بكلبي كتاب
طحت ومحد كلي سلامات
وكلت فدوه ألك طاح
تانيتك اهواي بس ماجيت
كلت معقوله النجم من عيني غاب
غرك خدي دمع بفركاك
أنته طير وهجر عشه وراح
ذبل غصن كلبي بل محنه
وضليت وحداني بعد شيفيد العتاب
وبقيت اني ودمعتي مرسال
دمع كلبي بذكرياتك ساح

لو شافتك اجروحي مره تلمسه
بلمسات ايديك كل جرح بيه طاب
حنانك غيم عليه ويمطر حنان
وجبل حبك بكلبي محطوط ابد ماينزاح
تهت بي وتيهني منه شوك
ذكريات القديمه تتنافور منه التراب
ألكلب العليل مايتحمل هجران
وجرح الهجرته بسمك ون وصاح
وانته سديت باب الهجر وراك
وتعبن جفوفي وتحنت بدكات الباب
وعيون العواذل جنه موسهام
جنه بكليبي تدك رماح
شكر بشفافك احسه محطوط
وبكلام الونس بيك ذاب
صابني مرض مزمن يهذي بسمك
وبشوفتك تصير الي لقاح
فزيت ولكيتك مويمي
كلت بحبه عشت حلم وسراب
شفت نجم لابس الليل
وبكذلاته يمرجحني بهبات رياح
جرحي مو دم صعب يتضمد
جرح الاحساس بس الحبيب يضمد الصواب
عشت كل حياتي شاكن بعيونك
وهسه ضليت بدونك ألكلب ابد مامرتاح
رحت وماكلتلي رايح ضلت صورتك
تسيل بدمعتي مرسومه وضني بيك خاب
من رحت لليوم انه والباب متانيك
ومامرت اعله شفافي طعم الفراح
حزنك حزن عاشور بفركاك
وصابني بغيبتك مصاب
لو تمر لحظه عليه وتشبكني
حتى عطرك من ثيابي فاح

مرحبا بالشاعر علي فراتي جديد في منتدى الأحبة
نتمنى لك المتعة والإفادة والتميز

بداية جيدة ومشاركة جميلة
سلمت يداك عزيزي على جميل احساسك
ننتظر جديدك القادم
وحياك الله معنا
مع تمنياتي لك بالتوفيق

صح لسانك اخي الغالي