مرحبا شباب

قبل أيام زارني أحد أصدقائي الذي لم أراه منذ فترة طويلة ، وبعد الترحيب والسلام قال : عندي سؤال وأحب أن تجيبني عنه بصراحة ، فقلت له أسأل وأنشاء الله أرد بالذي أعرفه ، قال أريد أن أسألك عن فتاة في المنطقة وأسمها كذا وكذا ، بصراحة أجبته بالذي أعرفه والحمد لله كنت أعرف القليل فهم ليسوا قريبين منا وليس عندهم شباب بعمري فأعرف عنهم كل شيء ، فأخبرته عن أبيها وأمها وبينت له أن الفتاة طالبة بكلية لا اعرف تخصصها ، فقاطعني وقال ( كافي بعد ) فسألته عن سبب أسكاتي ؟؟ فقال ( لا خويه أريد وحده شريفه ) بصراحة تعجبت منه ولم أكمل معه الموضوع .

ما رأيكم بصديقي ؟
ما رأيكم بفتأة الكلية ؟

شكرا شباب

الصراحة صديقك هذا غريب الأطوار ولا أعرف بالضبط ما الذي جعله يتخذ هكذا موقف من بنات الجامعة هل يكره التعلم أم إنه يعتقد بأنهنّ غير شريفات كونهنّ يدرسنّ مع الشباب ؟ طبعاً يا أخ حكم صديقك خاطئ فليس كل الطالبات كما يعتقد ولا يمكن أن نطلق الأحكام جزافاً وهذا ظلم لهذه الطبقة المثقفة بل المجاهدة فطلب العلم جهاد بذاته وما أجمل أن يرتبط أنسان بإنسانة مثقفة مدركة لأمور الحياة ولها نصيب من العلم
فأعتقد يا أخ ميراج بأن حكم صديقك على الطالبات ظالم جداً ولنا في رسول الله أسوة حسنة عندما قال (طلب العلم فريضة على كل مسلم ومسلمة)
تقبل خالص مودتي وباقة عطرة مغلفة بتحياتي

أخي العزيز النورس الجريح
كلامك معقول وبعد فترة رأيته وهذه المرة حاولت الاستفسار منه عن كيفية حكمه على البنات الجامعيات ، فدخل في مواضيع أغلبها أفتراضية وتحمل الاحتمالين أو الاكثر ، لكن دون جدوى


شكرا أخي العزيز

السلام عليكم اول شي اشكرك على طرحك هيج موظوع

ومثل مكان الاخ النورس الجريح كلام صديقك كلش ممعقول ولا يدخل الراس يعني ماعرف هوة ليش ماخذ نظرة علبنات الكلية مو خوش بنات ليش بلعكس مثقفات ويعرفون الحياه اكثر وذا جان ماخذ موقف من بنات الكلية فمو كل اصابعة سوة صح اكو الزينة واكو المو زينة وذا جانت نظرتة لان تكون مختلطة وية ولد فهاي تبقة علبنية وتربيتها

اسفة علاطالة تقبل تحياتي

أهلا ست ورده
كلامچ صحيح بس هو يمكن متأثر من الكلام اللي يسمعه هاي الايام ، وفعلا أكو حالات مو حلوه وأعتقد صارت الاغلب بس هم أكو بنات شريفات مؤدبات قصدهن العلم وبس

السلام عليكم ورحمة الله وبركاته
اخي العزيز هناك مثل عند اهلنه قبل يكولونه
يكولون البنيه اذا تريد تسوي شي لو يخلوها بصندوق حديد ويسلسلونه ويدفنوه جوه الارض هم تخرمش بأظافيرها وتطلع يعني مو شرط البنيه الي تطلع وتداوم بالجامعه معناها مو شريفه
ولا كل بنيه محبوسه بالبيت هي شريفه ميه بالميه
لازم نقيس شرف البنت من خلال تربيه اهلها ومن خلال تصرفاتها وحتى من خلال كلامها
فياعزيزي
السيء موجود بكل مكان ولازم نغير من افكارنا الرجعيه
نصيحه لصديقك اذا يبقى بهذا تفكيره عمره مراح ينسعد بحياته
لان الحياة الزوجيه لازم تكون مبنيه على الثقه اولا

مع كل الود لك

شكرا أم علاوي
حاولت أقنعه لكن هي هاي فكرته ، يگول البنيه اذا حچت ويه شاب مره تتعلق بي وحتى لو تتزوج تبقى تفكر بي

لا موجامعي ولو أجى الرد عليك متأخر ههههههه

ههههههههههههه

ولله صدیقك هذه عجيب و برايي كلامة مو صحيح

اني اظن ان احنه في هذه العصر و في هذه الزمان نحتاج لنساء متعلمات و فاهمات

و احنه مو ابعصر الحجري ان نخلي الامراة في البيت و نفصله عن المجتمع هذه كلام مو صحيح

و المراة مو بس في الجامعات تتحدث مع الرجال في مواقف اخرى ايضا يكون لها كلام مع الرجل وله كلامي غلط

و اني اقول لا اتحاول مع صديقك افضل لان ما راح توصل النتيجة

طيب أخي أسمع هاي السالفه الثانية وصير بمكاني شلون يكون ردك

قبل فترة چانت ويانه بنيه بالدائرة بقمة الادب والاخلاق بعدين عرفت ان هي متفقة وي زميلها من ايام الجامعة على الزواج ورا شهر تقريبا فشلت رابع محاوله اله بخطبتها لأن اهلها رافضين الولد رغم كل محاولاته وطبعا هو من غير محافظة بعد فترة سمعت ان الولد أتزوج هسا لحد الان صار عندك صورة واضحة عن السالفه ؟

قبل فتره اجى ولد سألني عليها من منطقتنا ، أني نكرت اي معرفه اللي بالبنيه يعني ( گلتله ما اعرفها بس مجرد سلام ابيناتنه بالدائرة ) مع العلم علاقتي بيها جيده وأعرف ان هي مؤدبه وحبابه ، بس من سألني عليها گلت هاي خاف بعدها تحب ذلك الولد وخفت أورط صديقي وياها

أنت لو بمكاني شتسوي ؟؟؟؟؟؟؟؟؟؟؟؟؟؟؟؟؟؟؟؟؟؟

زین ما سویت خویة

لااتورط روحك

خلي الموضوع بيناتهم

بس عندي سوال ليش كله تسالك ؟؟؟؟؟؟؟

شنو هل ورطة

هههههههههههههه

تحياتـــــــــــي لك

كلها تسألني لأن أحنه عدنا وكالة مواد غذائية فشكو شغله تصير بالمنطقه اول واحد يدري بيها داعيك
وحتى أكثر الموظفين بالدائره يستلمون من عدنه الكميه فصاير اني مركز معلومات
طبعا هاي مو أول حاله ، لأن دائما الناس تجي تسأل الشباب الخيرين بالمنطقه
هسا عرفت ليش ؟؟؟؟؟؟؟

الله يوفقك
و اتمنى لك التوفيق يا غالي

ربنا يهديه هل هو يريد ان نعود الي عصر سي السيد مثلا وان تكون الزوجه جاريه وخادمه له اما ماذا انا اري ان موقفه هذا غريب وعجيب جدا يوجد في جميع المجالات الجميل والشئ ليس الجامعات فقط هناك ابيض واسود راجع صديقك هذا ستجد عنده عقده من شئ ما الله اعلم بها ..

كلام صديقك غريب جداً حبيبي ...


يعني موقفة ايضاً من بنات الجامعة أيضاً غريب
ومو كل الاصابع سوة


نحن ليس كل خبر نسمعه عن بنت في الجامعة
أن كانت ليست شريفة وعفيفة وحسنة الخلق


ونشمل جميع بنات الجامعة والله تفكير غريب جداً
يعني شلون تبطل العالم متدرس

هههههههههههههه



ما اريد اطيل بالكلام


تح ـيآتي آلـك ..

واللة البنت الشريفة لوحطوة بنص الولدتكدر تعبر كلها تعتمد على الايمان وطبيعة البنت سواء جامعية او ربة بيت ياما ناس بالجامعة وهم محافضين وياما بالبيوت وهم غير ملتزمين

هذا الكلام كله صحيح بس المشكلة اكو ناس متشائمين ويمكن حقهم لأن يسمعون سوالف من الطلاب