اكرهكـ يا عراق مو بيدي !

انت شقدمتلي حتى احبك !

إذا كلشي اخذت مني و ما بقالي شي !

و شلون تريد ارجع واحضنك !

..

خلصت حجي يا عديم الوجدان ؟

و شلون و من سمحلك تحجي عن عراقي ؟

اكص لسانكـ والله و افكس العين

اذا تفكر تحجي بعد عن بغدّآدي !

..

و منو إنتَ تحاسبني على الـ احجيه ؟؟

و من سمحلك ترفع إيديك بوجهي !

دنزل ايدك و شوف حال عراقكـ

دم و نزف وين الامن و تريد اكلك هذا راقي ؟

..

ولك ليش ما خزر بعينك الملح والزاد ؟

و شلون تنطق كلمه حقيره عن بلادي ؟

ولك درجع الزمن ليورآ و شوف شسوى بيك ؟

هذا اللي ميعجبك سواك راقي ؟

مو طلعت بغير دوله و صرت بحاله تفيـآك ؟

و مو طلعلك لسان و كمت تحجي !

هذا لسانك غدىآ نذبه للجلآب ِ !

..

ولك والله من كثر ما عانيت ما ظل طعم وطنيه بهذا هارتي !؟

و من كثر ما شفت حال الظيم

حقكك ما تعرف بحالي

..

ولك شمهما صار وياك دوم فكر وثق بالله ، العراق بقلب كل واحد باقي

و مو انت ولا غيرك يشيلوه من جذر القلب لا والله !

و ولا 500 مثلك من الاعادي !

يا اخي دحن والله يهديك

لا تكول اكره .. كول احب عرااقيــّ

..

والله حقكك على الراس و حقكك على العين

و مهما كلت و مهما حجيت بركبتي الوطن باقي

و اني اعتذر بالنيابه عن العاداك

و اكول انت حبي و كل امالي

و من هسة اني شديت حزام الرحيل

و اعوف الغربه و اظل بترابك باقي !
..

~> محادثة بين عراقي حقود + عراقي ودود

حماك الله يا عراق الخير
من كل مكروه
وابعد عنك كل شر
نسال الله ان يعم الامن والامان على بلدنا الغالي
شكرا لكم سيدتي
خطيره
على هذه القصيده
لكِ مني كل الود والتقدير
مع تحياتي لكِ

عراقنا الاحلى


احلى من عراقنا مانلكه
وين ما نروح
شما فرحنه شما حزنه
شما حملنه جروح
طيور طرنه ولفينه
العالم لف
الدنيا كلها ابجفه
وطنه ابجف
افيش ياعراقنا افيش
يل طاريك يرد الروح


الف شكر والف تقدير لك اختي الغالية
تقبلي تحياتي

احسنت اختي الغالية
لهذه المحاورة العراقية
من صميم الوجد كانت تلك الدراما الهادفة
وربي يسلم العراق واهله
وينعم بالامن والامان ويعود اليه احبابه المهجرين الكرام
مودتي

مشكوريين جميعا ع المرور الرائـع !

منوريين ! ... { تحيــآتـي لكـم .. !

عاشت ايدج يالطيبة ع القصيده الروعة

ننتظر المزيد من أبداعج

تحــــياتي ,,