لعمر كاضي
الدنيا ما دام انتهت..
والعمر كاضي
منهو بينه بلا خطيئة
خَلْ يكوم اعلّه الملف
يكشف الماضي

خل يجي يسويله مره..
ايشوف بيتي إشراح وشظل
من غراضي
ناس صعدت ناس بعدت
وأنا بخيمتي وسوقي وعكاظي
وجان بامكاني أصير
لكن هموم العشيرة…
لا أنا راضي على شيخي
ولا عليَّه شيخي راضي
جان بإمكاني أصير
أملاك وقصور وأراضي
لكن أعرف هاي كلها
ماتساوي فركة إيد..
وراس محني ابّاب قاضي
لكن اعرف هاي كلها ماتساوي
نوم ليلة اعله المخده
بليَّه خوف وبال فاضي
هِيَّ مو بالسرعة تلَّم
ولو على السرعة يصير
أغنى شخص عدنه الرياضي
خلصت عمري بدولتي
لا أنا راضي اعله وضعي..
ولا عليَّه الوضع راضي

تسلم اخوي
انتقاء رائع لقصيدة شاعرنا واستاذنا الكبير اسماعيل الكاطع
لاعدمناك اخي
تحياتي

تسلم يمناك ياوردة على نقل هذة القصيدة الرائعة للشاعر الكبير ولمدرسة الشعر الشعبي العراقي واستاذنا ومعلمنا
حياك اللة وتحياتي لك
السلطاني

تحياتي لك
ولهذه القيدة الجميلة
وعاشت ايدك على هذا الإختياار

ودام لنا ابداعك
مع كل الشكر لك