يامانه جنت الدرع عنكم اصدن ورد
ارماح لمن تصل بجفوفي تصبح ورد
ياحيف هذا الخبر منكم اليه ورد

قررتو كلشي انته والراح ماجن جره
وكسرتو كل البكه من عندي كسرة جره
مديت حبل الوصل مجف غيري عته و جره

بهمومي قابل اضل احصد وكابر ولم
ويكفيني منكم جرح بجتافي اه والم
من يسوه بيكم عتب خاطر اعاتب ولم

خليني ساكت ولك للان ادري مامش حيه
بكصصهم اتبين شفت مرسوم ذيب وحيه
ندمان جفني اشكثر الهم توانه وحيه

وهسانه يلعرفت مغلوب جنت وعلي
وياروحي هذا الجرح من عده ركي وعلي
بصوت حيل اندبي كلمن يضدج علي
ماطيح لاوسمه وينكلب لوني ورد

كلمات روعه مشكور اخي على الموضوع ننتظر المزيد من الابداع

ممنون من مرورك اخي الغالي

عاشت ايدك ياكريم
زهير منسوج بإحساس مؤلم وعتاب وشجون

تحياتي لك
ولجمال مدادك وحسن المعاني

لاحرمناك
مع تحياتي لك

الغاليه ام فيصل
شكرا والف شكر
لكلماتك الممزوجه
باريج الورد
والملونه بالوان الاخت الفاضله
شكرا لمرورك المتواصل

حياك الله اخ كريم السفاح
زنجيل ازهيري رائع
تمتعت بقرائته
دوم التميز والابداع
تحياتي وتقديري

صح لسانك اخوي كريم السفاح

زهيري رائع

تحيتي لسموك وللناصريه ولسوق الشيوخ

ابدعت وراق لي جدا ما خطه يراعك

حياك اللة يالسفاح على هذة المواويل
اتمنى لك الموفقية وسلامي الى كل شعراء الناصرية
السلطاني

ربما لااجد مفردات تليق بمروركم ولاكني سوف اقف لكم منحنين ممنون لكرمكم ايها الاخوء الاعزاء (سلام الدراجي والكناري يونس الجبوري والسلطاني الكبير