كبل عنقود خــــــدك يمي داني
طيت وجفن عينك يمي داني
اغم كصتي واصيحـــن يميداني
يمي وماخذت ثاري بديه
-------------------
ااطلبه واجـــــــــــه وفاني سوادين
شدهني وصــارن براسي سوادين
يحكلي احزن عليك البس سوادين
الوجه والثوب اصبغهن سويه
---------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
---------------------------
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
------------------------------
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
---------------------------


وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
----------------------------
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
-----------------------------
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
----------------------------
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه


----------------------------

((منقووول))
اتمنى ان تنال اعجابكم

احسنت اختي سهر
ابوذيات مختارة رائعة
ملاحظة//اختي العزيزة
موضوعك تم تغير عنوانه من قبلي من (دارميات)الى(ابوذيات مختارة)
وتم نقله الى منتدى الابوذيات
وحبذا لو يتم التكرم بكتابة (منقول) للمواضيع القادمة والتي ليس من نتاجك.
مع فائق مودتي وتقديري
اخوك الامير

عاشت الايادي لهذه الباقة الحلوه
من الابو ذيات