لايفلان مو آنه الطحت

واصفى علية الماي

وصرت بعالم النسيان

ولا آنه ا لطحت وعلى الوجه مكلوب

وتراقب فرت الغربان

بعد لسة عدل والهم ابد ميموت

وتلاكي بكل محل لهامشي عنوان


مدري اشلون بية وما اعض ألأيد

وأعض اصبع ندم وماافزع لأنسان

نسيت اشلون من يوم اوجروا بيك

وأجيت بذاك حالك ترجف وبردان

رجيج الحال مالك حيل مترهل

ودموعك عالوجن يتخاطفن نهران

مصيوب بدليلك وبسهم مثلوث

وهفت كلبك يصاحب غدرت الخوان

أرفضوك الناس كلهه وماعلي اتكول

وأنه الضميتك آنه بدون نكران


وأوكفت على حيلك وآنة جنت اوياك

ومن تتعب عليك اليل سهران

أنه المثلي ابد لاميتجازة بطيب

ولو تنطيني عمرك ابد موخسران

جزات الطيب تتصنع علي زلات

وتدور طيحتي وتخلي الك نيشان

ثاريك وكت وأدري الوكت جذاب

ولو تنطيه عيونك هم يظل خوان

تدور طيحتي وتتطمش وية الناس

جزات الطيب تالي تكابلة بنكران

ليغرك وكت لاتنخدع بالناس

لان دومة الوكت مثل البشر سكران

والناس اتغربل بالملمات

ومن طبعة ايتلون تدري الأنسان

اليوم الصاحبك باجر عدو ايصير

وتظل تركض ركض وماتلحك العربان

تجازيني بغدر آنه الفرشلك دار

وتعادني وترد لجان الك عدوان

ماهمني ودروح والله وياك

بس لاتركني كلمة بطرف الألسان

ولتدور علي زلات وأز واغير

وتدريني عدل

ونه اصدق انسان


م\ن

تحياتي للجميـــــع

احسنت الاختيار خيتو احلام

اسعدني المرور أولا بموضوعك

وتقبلي اصدق تحياتي 0

كلمات بالصميم

عاشت الايادي يااحلام على هذا الانتقاء

دمتي بروعة ما تكتبين دائما

تقبلي مروري المتواضع

احسنت احلام لهذا الانتقاء الرائع
وفعلا" الناس اتغربل بالملمات
بوح يحمل في طياته صدق المعاني والتعبير الصادق
اتمنى لك دوم التواصل
لاعدمناك عزيزتي
اخوك الامير

تحياتي لك
ولجميل اختيارك
مفردات جميلة
واحساس ومعاني رائعة
دمتي بهذا الإبداع
مع ارق تحياتي

سعيده بمروركم اخواني
كل من شاكر الهلالي
الزير سالم
امير الاحزان
ممنونه لتواصلكم الدائم
وسعيده بمرورك امي وغاليتي ام فيصل ربي لايحرمني منك
تحياتي لكم جميعااا