كَلي شراح اكَلك وانته راح اتروح
وليش اتلح عليه وتنتظــــر ردّي
هذا السان حالي دموعي تحجي وياك
وراح اسكت واحجي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
ضل وياي اريدك والبقن جم يوم
وهل جم يوم صارن حدك وحدّي
خليني ارد اشوفك كَمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باجر انجــدّي
اخذني وياك اريدك مااريد الغير
وكون ابسدك اكَعد واكَعد ابسدّي
لتخليني وحدي منين اعرف الناس
لااكَدر اعاشر لا خلكَ عنـــــدي
احب اشلون غيرك من اود اشلون
وانه وياك كلش خلّصـــت ودي
ابكَد حبك النفسك جنت اناني وياك
ومنو ابكَدك يحبك محد ابـــكَدي
يل بيه ويه روحي الطلعه طلعت موت
شيردكم علي لو صيحــت ردّي
اخذني وياك مني اشعندي باقي وياي
وكلي وياك اخذني وكلشي لتودي
شيصيرن بعد خل اليصير ايصير
خل كلشي الأليه وينكَلب ضــدي
خل اسنيني تغركَ خله عمري يفيض
خل اكَبال عيني وينهدم ســـــدي
خايف صح جنت بس جنت اخاف عليك
والمن بعدك انته وخايف اشعندي

شيصيرن بعد خل اليصير ايصير
خل كلشي الأليه وينكَلب ضــدي
خل اسنيني تغركَ خله عمري يفيض
خل اكَبال عيني وينهدم ســـــدي
خايف صح جنت بس جنت اخاف عليك
والمن بعدك انته وخايف اشعندي
*********
تسلمين شهد
انتقاء جميل

الله الله
قصيده قمه في الروعه

ويسعدني من المارين

بمتصفحكٍٍٍ العطر

وهذه القصيده الى الشاعر المبـدع

( جبار رشيـد )

مودتي لكٍٍ

قصيدة روووووووووعة صح السان كاتبها ويسلمووووووو على الاختيار المتميز

وياعين التكض الطيف اليعـــــدّي

اه لو الحلم يصبح حقيقه

شكرا لكلامك الجميل