سهر
05-12-2009, 05:11 AM
دارميات على المودة / جديدة
مفخخات وأسلحة وأميركان
الدهر بس وياي عالنهه حربه
مو طلقة حط بالروح حط بيهه " بمبه"
" فخختْ " روحي اليوم كل هذا لجلك
ولو مارضوا ينطوك انفجر بهلك
بين الگلب والروح اهنا اخليك
واكتب " خطر ممنوع " محد يمر بيك
ظلمة " وحظر تجوال " وامريكي عل الباب
ولو تنگلب طلقات اتعنه الاحباب
" مفخخ " صرت بهواك صرت انتحاري
تفجيري " بالريموت " بيدك قراري
من كثر مامشتاگـ تيهت نفسي
اجرت الامريكان حسبالي تكسي
" عبوة " وزرعني الشوگ صرت علة دربك
واعذرني لو " طگيت " فجرني حبك
انترنت وكومبيوتر وسفر
" فرمتت " هاي الروح من كل الاوهام
واول اسم حطيت اسمك على " الرام "
الگلب نص الليل حن وذكركم
والعقل صاير" رام " يخزن صوركم
" بالنت " صدگ حبيت، حبيت بخبال
تالي فتحت " الكام "، طلعتلي رجال
صح البشر حلوين بس الك ميزة
تدخل گلب تهريب وبلية " فيزة "
تلفونات موبايل " نقال "
دگ گلبي ست دگات والگلب " هزاز"
" نقالي " هم شيطان يعرفهم اعزاز
فارغ حبيب الروح نايم على الريش
خايف على " السنتات " گاضيها " ترميش"
موصوجك انته الصوج كله من اديه
سويتلك " مس كول " تفتح عليه
لا " مسج " لا " مس كول " چا شنهي فلمك
دزلي رساله ابساع لاامسح اسمك
دايخ وافكر بيك ومشوش البال
خابرت " بالريموت " حسبالي " نقال "
فرفح جهازي عليك ثق فرفح" الرام"
والشحن من دگيت يرگص "هجع" گام
ان تنال رضاكم
مفخخات وأسلحة وأميركان
الدهر بس وياي عالنهه حربه
مو طلقة حط بالروح حط بيهه " بمبه"
" فخختْ " روحي اليوم كل هذا لجلك
ولو مارضوا ينطوك انفجر بهلك
بين الگلب والروح اهنا اخليك
واكتب " خطر ممنوع " محد يمر بيك
ظلمة " وحظر تجوال " وامريكي عل الباب
ولو تنگلب طلقات اتعنه الاحباب
" مفخخ " صرت بهواك صرت انتحاري
تفجيري " بالريموت " بيدك قراري
من كثر مامشتاگـ تيهت نفسي
اجرت الامريكان حسبالي تكسي
" عبوة " وزرعني الشوگ صرت علة دربك
واعذرني لو " طگيت " فجرني حبك
انترنت وكومبيوتر وسفر
" فرمتت " هاي الروح من كل الاوهام
واول اسم حطيت اسمك على " الرام "
الگلب نص الليل حن وذكركم
والعقل صاير" رام " يخزن صوركم
" بالنت " صدگ حبيت، حبيت بخبال
تالي فتحت " الكام "، طلعتلي رجال
صح البشر حلوين بس الك ميزة
تدخل گلب تهريب وبلية " فيزة "
تلفونات موبايل " نقال "
دگ گلبي ست دگات والگلب " هزاز"
" نقالي " هم شيطان يعرفهم اعزاز
فارغ حبيب الروح نايم على الريش
خايف على " السنتات " گاضيها " ترميش"
موصوجك انته الصوج كله من اديه
سويتلك " مس كول " تفتح عليه
لا " مسج " لا " مس كول " چا شنهي فلمك
دزلي رساله ابساع لاامسح اسمك
دايخ وافكر بيك ومشوش البال
خابرت " بالريموت " حسبالي " نقال "
فرفح جهازي عليك ثق فرفح" الرام"
والشحن من دگيت يرگص "هجع" گام
ان تنال رضاكم