انزف ياجرح وشل وغسل وجه الولاية


طلع شاطي لامل جذاب مل جرفة ونكر ماية


يجرحي ابنادم ايحير ماتعرف شكو براية


تشوفة بحالة المجبل حجية بوجهك مراية


ولون تنطي الظهر تجفي بظهرك صار سلاية


ايا جرح اليجرحة السيف يطيب اشما كبر داية


لجن جرح السان مجيد يكبر وية الحجاية


يجرحي انزف بعد وشل
الابر تجرح ترة من تشل

حقيقة وكامت اتفشل

ونيبان البطل صارن
فالة وبالعظم تهشل
يجرحي انزف بعد وشل

وصعد فوك كل ثاية بلجي اهل البطل ترتد وترفع للعدل راية

طلع حجي الصدك مكروه ضاع ومالة شراية

طار الديرة الوقواق ريشة بجنح فختاية

وين اتطير وين اتحط من كل صوب رماية

عليها وضاكت الوسعة وماالهاش حماية

زمان الحرم اعلة حسين عزانة وذيج القراية

علينة ايحرم القران ويحلل بينة السباية

يجرحي انزف بعد وبزل همتي تزود ماتنزل

ولاجدمي بطريجة ايزل

خلها دنيتي بسباح كلبي تفتل وتغزل


يجرحي انزف بعد وغسل
هواي امراض مثل السل

عيشة وصارت اتوسل
خلها دنيتي بسباح كلبي تمشط وتنسل

يجرحي انزف وانة الاشتل صكور الحر غدت تختي

حياة وصارت تبرتل

ادري بدنيتي والناس كلها مكهربة وتنتل

يجرحي اشما نزفت انزف روف بحالتي ونصف

بهاي الناس ماتعرف على الباطل جذب تحلف

وللظالم غدت تهتف من هذا الوكت ول تف

تنزف ياجرح لولا اظل جم دوب اللك اخذف

تدريني مصر بالراي اموت ومااكلك قف

حط الناس بعيونك وقرالك الف اية

بلجي اهل البطل ترتد وترفع للعدل راية


كتبت هذه القصيدة
للشاعر
مجيد عامر السعدي




http://www.dijlh.net/picture.php?pictureid=53764&albumid=9028&dl=1258651500&thumb=1 (http://www.dijlh.net/album.php?albumid=9028)مع اطيب تحياتي
وسام الساعدي (http://www.dijlh.net/newreply.php?do=newreply&p=15819548)



#2 (http://www.dijlh.net/showpost.php?p=15819577&postcount=2) http://www.dijlh.net/images/style1/buttons/reputation.gif (http://www.dijlh.net/reputation.php?p=15819577) http://www.dijlh.net/images/style1/buttons/report.gif (http://www.dijlh.net/report.php?p=15819577)
M

عاشت ايدك عزيزي وسام
كلمات رائعة واحساس جميل
شكرا لهذا الإختيار المميز
ودام لنا هذا المداد
مع تحياتي لك

احسنت يا وسام
جميل ما قدمته هنا
امنياتي لك بالتوفق
تحياتي

الشاعر مصطفى العراقي