واخيرا سافر الضيم وترك بغداد
بنيت بوسط روحي من الحلم دار
فزيت برعب فززني صوت الباب
صحت منهو يدك كال انة ابو الايجار
كتلة شكد بعد تمهلني ادبر فلوس
فر راسة يكلي ادفع بلاية اعذار
كلتلة امهلني يوم بلكي ادبر شي
ما معقولة متوقفة علية افكار
هز ايدة وعبرني وراح مغثوث
مافكر ابد ما قدر الجار
طبكت الباب حيل وصحت يا لله
اخذني وهالطلب حققة لية شصار
ذلاني الزمن دمر حياتي بيوم
جنت عايش بجنة تحولت نار
اهلي وناسي تسأل ياهو جان وياك
كلتلهم عدوي وراد يا خذ ثار
عمت عين الزمن يفتر يدور الحوك
واخو خيتة اليكول الزمن مايندار
جم محنة والم تلدغني في كل يوم
اكولن الله يبعد عني ولد العار
لبسني الفقر والجوع ثوب الضيم
ثوب الضيم يلسع يجوي كلش حار
صعدت اعلة السطح شكيت زيجي بجيت
مديت ايدي لله وكتلة ياقهار
بحق كل جاه عندك عدي هاليومين
بلكي بسعي ادبر حفنة الايجار
ناداني نداء يكلي انت ابن بغداد
ابن اغنة الملوك واغنة كل تجار
انت ابن العراق المايحدة العوز
ولا مرة انتكس من محنة واحتار
ابن دجلة النشف ميهة بسبب لشفاه
ورشت عالنخل واستحلبت جمار
مو وحدك اسير بسجن اسمه العوز
كلنة وياك واقنع هو هذا الصار
مثل اهل الكهف اصبحنة بعد اليوم
وطنة ضاك بينة وصار مثل الغار
ولاتحلم بعد وتكول انة ارتاحيت
وحتة الجسد مو ملكك طلع ايجار

ناداني نداء يكلي انت ابن بغداد
ابن اغنة الملوك واغنة كل تجار
انت ابن العراق المايحدة العوز
ولا مرة انتكس من محنة واحتار
ابن دجلة النشف ميهة بسبب لشفاه
ورشت عالنخل واستحلبت جمار
مو وحدك اسير بسجن اسمه العوز
كلنة وياك واقنع هو هذا الصار
مثل اهل الكهف اصبحنة بعد اليوم
وطنة ضاك بينة وصار مثل الغار
ولاتحلم بعد وتكول انة ارتاحيت
وحتة الجسد مو ملكك طلع ايجار

قصيدة رائعة
واحساس بالألم والحاجة عميق
فرج الله عن العراق وشعبه هذا الضيق والهم

تحياتي لك ولهذه القصيدة الموجعة
ننتظر جديدك عزيزي
مع تحياتي لك ايها الرائع

مشكور اخي ماء السماء
الللهم يفرجهه على كل العراقين
قصيده بحق مولمه
دوم الابداع والتميز
تحياتي وتقديري

تحياتي لكم ايها الاباطرة وشكرا جزيلاً لكم.