أحس روحي رماد - للشاعر ميثم فالح





أحس روحي رماد وجاني ضيف الريح
كرمته بلا حدود أطشرت كلي
جا لمن تجيني أنت وتدك الباب
شنطي لشوفتك لمن تمر كلي ...؟
ما أرضه أعله روحي لو صدك مريت
اذا مو ألف ركعة كبالك تصلي
وماني بعيد عنك ضوه بطبعي وياك
بس فتح عيونك كبل توصلي
تعوذ .. بعد لحظه ويعله صوت الريح
وآنه ريشه من أطير شلون توصلي
وبطل من ملحتك ثكل وزن الغيم
بعد هبت شمال وينفتح حملي
وشحني من النخل طيره وجذرها بطين
بس كسر جنحها يجرحك السلي
شكلك لا تمر خافن صدك تنغاض
عبالك صدك وتكول هالكلي
آنه لشوفتك أربط الشوك بريح
ويوصلك ... بس ما كلت يوصلي
الدله شما تعب بيها اليسوي دلال
يظل مر اللي بيها وأبد ميحلي ....
وأعرف مكصدك من صرت بيدك سيف
تطعن بيه ظهر كل مكصدك ذلي
تكصني ليا ذنب من تمري تملي سلال
وعيون الشمس تعميهن بظلي
من صار الدمع أول خصم للعين
درع غيض أعله عينك واجب تخلي
خليتك درع وشمه أعله صدر العين
تصد بس للفرح والباقي يوصلي
طير الينجرح يستر جروحه الريش
وأنه جروحي عليهن ريش اليدلي









تحيــ الطائي ــــاتي

شكرا ياعمارعلى هذة المشاركة الرائعة للشاعر فلح لك خالص تحياتي
السلطاني

أعرف مكصدك من صرت بيدك سيف
تطعن بيه ظهر كل مكصدك ذلي

مشكور اخي عمار
وان شاء الله محد ايذلك ياورده
يسلم يراع الشاعر فالح
تقبل مروري وتقديري

عاشت الايادي اخي عمار شعر في قمه الروعه ننتضر جديدك

حياكم الله
تحياتي لكم اخواني الاعزاء نورتوا مشاركتي بمروركم العطر




تحيــ الطائي ــاتي

تسلم يا مبدع على القصيدة الجميلة

دمت متألقا

لك كل الاحترام

نورت الصفحه بمرورك الحلو يا نبع المحبه وانشاءالله تكونين دوم اسم على مسمى



تحيـ الطائي ــاتي