صوت وصدى

وحدك گوم
شگ ثوب الكهف .. واعبر على الغافين
مو تدري السنابل حّملن غيضين
يترجن ذراع على الحصد مفطوم ..
وحدك گوم
دگ باب الگمر واعبر على النجمات
عيب تظل فراشه على الشموع تحوم ..
يل صدرك صخر والوكت سحگة فيل
لاترجه الطيور تغرد بسجيل
طّيّح حيل وكتك وانخه حيل البيك غيض وگوم
دك جناحك وجيب الگمر للعيد
وفك چف المحيبس بات مره وخل يفض رمضان
يل ذموك وادي ..
السيل يخنگ رگبة جباله
إذا رفضت تشربه شفايف الوديان
يل عافوك شاله لا تعوف الطين
فوج بروج وكتك والوكت يومين
يحتاجك العافك من تطك طوفان
لاتغتاض اذا شربو بحر صوتك
خل يترس سماهم صدى البيك اوذان
لاتطفح زعل خلّي السجن بستان
وحط صبرك مرايه تدوخ السجان
ودگ جلدك خريطه
وخلهم يكتبون .. على جلدك
للمشى وللجاي .. والكل التغطه بغيرتك عنوان
طبع السيف يحدي بركبة المذبوح
ويتخورس بغمده السيف ويظل للجروح لسان
شيل لسان جرحك لافته واكتب عليها (( أيوب ))
خل يضيع غيرك وأنت ظل نيشان
دوّخ ريح وكتك لو اجت مكلوب
وابحر للتريده بلا شراع وريح
مو تدري السفينه بشارب السفان
ولا تزعل إذا كالو عليك
تضيع گطرة ماي
دك روحك بحر لشفاف كل عطشان
ولاتهتم اذا شكو هويتك واعتدو عالبيك
شيل آدم هويه .. وگلهم آنه انسان

وابحر للتريده بلا شراع وريح
مو تدري السفينه بشارب السفان
اخي المحظوظ قصيده رمزيه رائعه
صح السانك ويسلم قلمك الراقي
دوم الابداع والصور الشعريه الرائعه
تقبل تحياتي ومودتي

تسلم الايادي

على الموضوعالرائع

ننتضر جديدك

تحياتي.

طبع السيف يحدي بركبة المذبوح
ويتخورس بغمده السيف ويظل للجروح لسان
شيل لسان جرحك لافته واكتب عليها (( أيوب ))
خل يضيع غيرك وأنت ظل نيشان
**********
الله الله
حلوه يالمحظوظ
انت محظوظ حتى بانتقاءاتك الرائعة
تحياتي
اخوك الامير