يالضنيت ماتنسة هوانة سنين
ابرمشت عين ذاك التعب ضيعتة
لو ادري جنت جامامشيت وياك
والمثلك ابد ماجان رافكتة
ماادري شجاني وصدكت يفلان
بالضحكات كلبي اشلون قشمرتة
حسبالي وفي وكلك مودة وطيب
حجي اهوايه عندي وانة ماكلتة
تلعب عالحبل وياي خايب ليش
جي صنت العهد والشوك ماخنتة
مني الصوج انة الصدكت بهواك
وجدمي عالدرب ياحيف عودتة
انة سنين ابني ومحترك عالشوك
متكلي شجاك وليش فلشتة
حيل وياي انة الماعرفت اختار
والمثلك عجيبة اشلون صدكتة
مامجبور محد ورطك وياي
انتة الباب بيدك خايب افتحتة
لو رايد اذكرك يالنسيت ابساع
موجرحك لهسة ابكلبي ماشفتة
عشرة وعالطمع ماريد خل اتروح
اشظل بالعمر مو انته دمرتة
لازم يوم ترجع عالدرب مندوم
احساب وياك عندي وتاركة ابوكتة
اغفر لاتظن هيهات هذا ايصير
جم اصواب كلبي الانته صوبتة

تلعب عالحبل وياي خايب ليش
جي صنت العهد والشوك ماخنتة
اي والله صح ابو حاتم هاي وكعت على الجرح
وصوبته...تسلم رائع ما سطر قلمك الرائع من بوح جميل
تحياتي الك ياورده



..

كلمـاتك اروع من الخيــ/ــال

وأجمل من ضياءالقمــر
فلهـاذا أوقفت ساحـات أفكـاري
لكن أحتـار قلبي فيما يكتب لكِ
فكتب احترامي وتقديري لكِ يالدراجي و لجمال كلمــ/ـاتكِ
شـاكر أطــلاعـك على موضوعي وايضاً مشــــاركتك . .
دمتم بحب وسعاده ..

شكرا لك ياسلام على هذا الدخول الرائع وان شاء اللة تكون القصيدة بلسم للجراح تحياتي لك
السلطاني
وهذا الدخول الثاني من لجلك ياعزيزي

عاشت الايادي اخي الفاضل على الطرح الجميل

شكرا لك يالربيعي على مرورك الجميل تحياتي لك
السلطاني

تسلم الايد الي كتبت الكلمات الرائعة

مشكور على المجهوووووووووووووووووووووووووووووود

تقبل مروري.

لازم يوم ترجع عالدرب مندوم
احساب وياك عندي وتاركة ابوكتة
اغفر لاتظن هيهات هذا ايصير
جم اصواب كلبي الانته صوبتة
........................
الله الله يالسلطاني
قصيده عتب تدمع لها العيون
وكأنك تحاكيني
لاعدمنا هذا العطاء
ومن ابداع الى ابداع
شكرا لهذا الحبر الذي لا ينضب
لك مني ارق التحايا واعذبها

شكرا لك ياام علاوي على هذا الدخول الرائع تحياتي
السلطاني