اوصف عيونك لازم احتار
وإذا أوصف خدودك أوصف الكون
يالعينك سمه وخدك مجرات
شلت دنيانه كلهه بهاي العيون
من شفت الگمر حسبالي هليت
ماميزك عليه انتم فرد لون
بحر شعرك يفيض بموجته الليل
ويمد بخلكَه يبحر فوكَ المتون
معقوله اليظن بيه اكَدر انساك
وأعوف الجنه واسكن نار الظنون
ياديرة امان شلون امر بيك
وأشوف اهل العشك لجلك يركضون
لخلي الطائفيه ضلوعي الاثنين
وأهجر كَلبي بيدي واكلب الكون
الك كسرات شفه محيره كل عين
كنز حسنك لحد هالساع مدفون
كون يصح بدي لبنيلك اهرام
واقبل بالذنب كون انه فرعون
تعال انطيني شفتك بوسني هنا
تعال وكَلي الك ياروحي ممنون
تعرف ليش احبك تدري يهواي
ماادري انه ليش بحالتي شلون
بيك شكد اسولف واحجي للناس
تعب حته الخلك واذن اليسمعون
وشيطاني اليوزني يريدني اهواك
ماكولن عليه شيطان ملعون
شفت وسط المسله شكَد قوانين
أسف لهل العشك مابيهه قانون
لذلك ماكو خوف وحيره وأشكال
إذا حظنك بدي وأهلك يشوفون
حق شرعي العشكَ فوق القوانين
حواسم هذا حبنه وخل يكولون
حق شرعي العشك فوق القوانين
حواسم هذا حبنه وخل يكولون

(( منقــــــــــــــــول ))
ارجو الإطلاع على هذا الرابط للأهمية
http://www.alforat.org/showthread.php?t=22548 (http://www.alforat.org/showthread.php?t=22548)

شفت وسط المسله شكَد قوانين
أسف لهل العشك مابيهه قانون
لذلك ماكو خوف وحيره وأشكال
إذا حظنك بدي وأهلك يشوفون
حق شرعي العشكَ فوق القوانين
حواسم هذا حبنه وخل يكولون
*********
الله الله
احسنت اخي غيث
روعة اخي هذا الانتقاء منك
شدتني القصيده اليها كثيرا"
مودتي مع باقات وردي
اخوك الامير

عاشت ايدك عزيزي
وصح لسانك
قصيدة غاية في الجمال
واحساس رائع يداعب السطور
شكرا لك ولهذا الإختيار المميز
مع خالص تحياتي

صح السانك اخي العزيز غيث
والله حرت يابيت اقتبس منها
كلها رائعه
كون قريب يامبدع
تحياتي واشواقي