امير الربيعي
23-11-2009, 09:21 PM
هاي هية وية الدنية توادعنه
وبعد لابسمة الظلت ولا فرحه
طمينا المحبة بسكة الاحزان
وقررنا العشك من اكلوبنا انسرحه
وبعد ولا فرصة ترد تنغمر بيهه الروح
وبعد ولا امل اصواتنه تصدحه
كل واحد يحاول ينسى كل مافات
يحرك بلصور والهوى يمسحه
كافينا حبيبي نكتل الاحساس
والشوك الجبير بأيدنة نذبحه
كافينه نورج شامت وبطران
والضيم اللبينه يونسة يفرحه
كل واحد يضم احلام ضوت ليل
ويودع غرامة لنتظر صبحه
وكل واحد يهل ادموع لبعينه
ويضم اهة عذابة ويلتهي بجرحه
خلينه نتعذب ونحترك شمعات
وكل واحد يحط بصدر القدر رمحه
وبعد طير اللي طار يبشر العشاك
نصيده بكل غلظ ونكصله جنحه
واذا اشتاكيت مره واشتكيت الشوك
رد بيه اشتياكي بحجة تنصحه
واذا جرحك لمح جرحي يون ابليل
على عناد الالم بيه يحط ملحه
واذا الروح الوكيحه حنت ابفد يوم
الك بيه رصاصة تكتل الوكحة
واذا دكيت بابك واسمعت دكتاي
احلفك بكل عزيز الي لا تفتحه
اريد انساك كلش وانسى حتى اسمك
اريد اغفى بسبات ولا ابد اصحى
اريد ابعد حتى مااشوف الناس
اذا عرفت بسري ناسك اتفضحه
صد كلبي بجفاك ولا تحن اعليه
وهد كلبك عليه وبقسوتك سلحه
موضوعك حبيبي طال مثل الليل
وصعب كلش افصله واعتني لشرحه
هد روحك تجيني بغفلة الحسبات
وتلم كل النكسر مني وتصلحه
وتخلي الوصل يضحك على الشمات
كل شامت تبين فشلته وكبحه
تراني ماهويتك الشهر واثنين
لا طول العمر ابلوعته وفرحه
بس خلصت حسافه ومابقت للدوم
عشرتنه حبيبي سالفة ومزحه
لمينه السوالف بجيس من الغيض
وخلينه العيون بنوحهه تلمحه
صفت روحي ارض صلبه بلايا تراب
واجت روحك عليهه تنغرز مسحه
موقف من حضرتك مبهم ومجهول
اريد بكل صراحه بس الي وضحه
يابنيان شامخ ياصرح للشوك
حسافه بكل حسافه انهدم صرحه
حسافة وكل حسافه ينهدم صرحه
وبعد لابسمة الظلت ولا فرحه
طمينا المحبة بسكة الاحزان
وقررنا العشك من اكلوبنا انسرحه
وبعد ولا فرصة ترد تنغمر بيهه الروح
وبعد ولا امل اصواتنه تصدحه
كل واحد يحاول ينسى كل مافات
يحرك بلصور والهوى يمسحه
كافينا حبيبي نكتل الاحساس
والشوك الجبير بأيدنة نذبحه
كافينه نورج شامت وبطران
والضيم اللبينه يونسة يفرحه
كل واحد يضم احلام ضوت ليل
ويودع غرامة لنتظر صبحه
وكل واحد يهل ادموع لبعينه
ويضم اهة عذابة ويلتهي بجرحه
خلينه نتعذب ونحترك شمعات
وكل واحد يحط بصدر القدر رمحه
وبعد طير اللي طار يبشر العشاك
نصيده بكل غلظ ونكصله جنحه
واذا اشتاكيت مره واشتكيت الشوك
رد بيه اشتياكي بحجة تنصحه
واذا جرحك لمح جرحي يون ابليل
على عناد الالم بيه يحط ملحه
واذا الروح الوكيحه حنت ابفد يوم
الك بيه رصاصة تكتل الوكحة
واذا دكيت بابك واسمعت دكتاي
احلفك بكل عزيز الي لا تفتحه
اريد انساك كلش وانسى حتى اسمك
اريد اغفى بسبات ولا ابد اصحى
اريد ابعد حتى مااشوف الناس
اذا عرفت بسري ناسك اتفضحه
صد كلبي بجفاك ولا تحن اعليه
وهد كلبك عليه وبقسوتك سلحه
موضوعك حبيبي طال مثل الليل
وصعب كلش افصله واعتني لشرحه
هد روحك تجيني بغفلة الحسبات
وتلم كل النكسر مني وتصلحه
وتخلي الوصل يضحك على الشمات
كل شامت تبين فشلته وكبحه
تراني ماهويتك الشهر واثنين
لا طول العمر ابلوعته وفرحه
بس خلصت حسافه ومابقت للدوم
عشرتنه حبيبي سالفة ومزحه
لمينه السوالف بجيس من الغيض
وخلينه العيون بنوحهه تلمحه
صفت روحي ارض صلبه بلايا تراب
واجت روحك عليهه تنغرز مسحه
موقف من حضرتك مبهم ومجهول
اريد بكل صراحه بس الي وضحه
يابنيان شامخ ياصرح للشوك
حسافه بكل حسافه انهدم صرحه
حسافة وكل حسافه ينهدم صرحه