نشيــــد شــــــــاعر
....................................


اكتب بذاكرة تاريخ الشعوب العلني
انه شاعر وطني
المع ابنص الظلام
واملي كاسي من الحقائق والاوهام
من اريد اختم بداية ومن اريد ابدي ختام
انه طعم النخل واطباع الحمام
ابهيده وي الروح ترفه وما تحب غير السلام
انه ما يوكف مداري وزمني
انه شاعر وطني
انه نيشاني الكمر
واهس امبحر عله اشراع الخطر
انه حزني الطين واجروحي المطر
انه كلبي جرف ضامي وغيرتي وعمري نهر
انه عمامتي وبيريتي وعكالي فخر
صوتي ضميري وسري عزة نفسي وامعاناتي صبري
حضني امي وصيتي ابوي وعين صاحبتي غنوتي وشجني
انه شاعر وطني
انه هلهوله ونواعي
وانه ضيجي ابكد وساعي
الدنيا من اتضيج تفرج ضيجه
وتغفه على سباحة اذراعي
دفتر لكل قصة تطريهه المدينة
وطــــــــــــور نــــــــــاي
اخضر مثل عشب المراعي
عيوني جانون اليدلي اضيوفه بيه
وقلمي حد للما يعرف احدود كاعي
انه ماعون الكرم وانه الرغيف
اليكبر اشما كصه اوياه جف السنين
انه دمعة مالحة وعركه جبين
انه عيــــــــن
وسيف الركاب النواصب منحني
انه شاعر وطني

الشاعـــر طارق صبار

مشكور اخي ارشد قصيده جميله منقل مميز
احسنت الاختيار
دوم الابداع وبدايه جيده
تقبل تحياتي

انه حزني الطين واجروحي المطر
انه كلبي جرف ضامي وغيرتي وعمري نهر
انه عمامتي وبيريتي وعكالي فخر
صوتي ضميري وسري عزة نفسي وامعاناتي صبري
حضني امي وصيتي ابوي وعين صاحبتي غنوتي وشجني
انه شاعر وطني



قصيده مميزه وراائعه
وحيــــــــااك الله اخي الكريم للاختيار المميــــــز
وصح لسانه الشاعر
مـــــــــــع تحيــــــااااتي

من اريد اختم بداية ومن اريد ابدي ختام
انه طعم النخل واطباع الحمام
ابهيده وي الروح ترفه وما تحب غير السلام
انه ما يوكف مداري وزمني
انه شاعر وطني


كلمات رائعه ومميزه
يسلمو الايادي لماخطت من اروع الكلمات

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

احبتي الكرام شكراً لمروركم الذي انار
مشاركتي
واتمنا ان اوفق في ايصال الكلمه الهادفه لكم

احسنت عزيزي
وصح لسانك على روعة هذه القصيدة الوطنية
جزيل الشكر للنقل والإختيار المميز
ودام لنا فيضك ياارشد

ومرحبا بك فراتي جديد في احضان منتداك
مع تحياتي لك

مشكوووووووور على القصه روعه
يسلمووووووووووووو