صدرج مو صدر منحوته بي قمتين

*** ملك الاحساس *** · 26-10-2009

أغنية العمر والناي صار الليل

وأطوار ألعشك ارتاح واسمعها..

أعيوني امنالبجي شيب جفنها أعليك

طاحن بين أدية وفاض مدمعها..

لو رايد عتب نتعاتب إني وياك

بس احجايتي المفروض تسمعها..

من كتلك احبك نبعت أبخلاص

ما كتلك احبك جلمة أراجعها..

اريدنك جمر بعيوني كون أتنام

مو دمعة فرح من اضحك امسحها..

وإذا اتكلي الدرب ضيعته انته وياي!

جنت أعمة وعصاتك إني اتبعها!!

حيرني جمالك لا أنس لا جان!

لأن حور وملاك أوصاف جامعها..

يبو عين الكحيلة وشعر لون ألليل

بس راية جمالك انته رافعها..

اشفافك من خمر اسكر ودوخن بيك

وبس خمرة اشفافك ديني شرعها!!

وصدرك مو صدر منحوتة بي قمتين

وبنصهن نهر دوخني منبعها!!

أحسن بيك ترجف من كعدت وياك

واني النار بيه الشوك ولعها!!

أمد أيدي أعلة خصرك ارجف واحتار

أحس جفي خدر والروح طلعها..

جم مرة الكلت بوساتي كلهن شوك؟؟

ولشفافك اثر بخدودي طابعها..

دله أبنص جمر والعشك بيه يفور

وجمدوب الصبر لو علتي أجرعها؟؟

محطة أبنص عمر والسجة نص الليل

وأيامي ضياع وانته بايعها..

درحمني يخايب لا تعذب الروح

مو كلبي حركته وروحي شالعها!!

*****
منقوووول

**امير الاحزان:** · 26-10-2009

محطة أبنص عمر والسجة نص الليل

وأيامي ضياع وانته بايعها..

درحمني يخايب لا تعذب الروح

مو كلبي حركته وروحي شالعها!!
*******
قصيدة رائعة اخوي ملك الاحساس
تسلم عيوني لهذا الانتقاء
يفترض نشرها في قسم الشعبي وليس في العام
وحبذا في المرات القادمة
لو تكرمت بكتابة منقول للامانه الادبية
مع فائق شكري وتقديري
اخوك الامير

**بلسم الروح** · 26-10-2009

أعيوني امنالبجي شيب جفنها أعليك

طاحن بين أدية وفاض مدمعها..

لو رايد عتب نتعاتب إني وياك

بس احجايتي المفروض تسمعها..

رائع ........بديع

كلام زاخر بالاحاسيس والمشاعر الصادقة

لوحة فنية رائعة وباهرة

دمت ودام نبض قلمك

تحياتي وتقديري