ابوذيات ابوذيات
الهجر يكتل يصاحب ونته داري
عليك يخاف كلبي وانت داري
انت اهلي واعمامي وانت داري
انت امي وابويه واخ اليه
ابشرك مابعد بالعين ظل ماي
وحس حته الصبح بجفاك ظلماي
زماني مرادف عله الروح ضلماي
سلب عقلي وشدهني وشد اديه
رمح جارح وكتنه خله بينه
ثبتنه وعيب بانت خله بينه
طبع احنه من ابونه خله بينه
نبيع رواحنه ونحمي الخويه
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
اخذ درس وتعلم من نبينه
وشارت الساده صارت منه بينه
تهنه بوصفه احنه من بينه
لان شمس وكمر طبكن سويه
مع تحياتي اميرالاحزان 1985
(( منقــــــــــول ))
ارجو الإطلاع على هذا الرابط للأهمية
http://www.alforat.org/showthread.php?t=22548
رد مع اقتباس
