دارميات دارميات

[اميرالاحزان 1985]

قاسي الكلب وياي ما تــرحم شبيك
عمري كضيته وراح بس انت أهم بيك

..

فارض على الكلمات واشعاري نفسك
بكل كلمه وبكل بيت الكه اني اسمك

..

لشفافك تعنيت رايدلي بوسه
چا خدك شبي غار سواله هوسه

..

مو حسره تطلع نار كل لحظه بجفاك
لو حسرتي تمر بيك چا حرگت شفاك

..

شنو هالجمال البيك خبرنا عنة
شايل جمال الكون شمخلي النة

..

لا تنخه هاذا وذاك ويداوي الجروح
انخه الذي مينام بابه الله مفتوح

..

كل الگلوب تنام بس گلبي گاعد
والضغط من فرگاك كل ساعه صاعد

..

سر و انفضح للبشر حبنه و تطشر
و أسمع بعد هالناس ما بيها بس شر

..

كون انكلب وطواط وخطف ابنكم
وبحجة المرسال احجي ويبتكم

..

ريت الحبيب يصير محبس ولبسه
وبين الاصابع دوم ياربي حرسه

..

هم قلق هم وسواس هم كلشي بيه

ظيم وقهر ياناس مطرن عليه

..

حاير شحط للعين وامنعهة منك

صبح وعصر وغروب تسألني عنك

..

ويا النجم سهران وايدي على خدي
الليل وضلام الليل شو كلها ضدي

..

تيزاب احط بالعين واتلف نظرهة
خافن تصد للغير ويقل قدرهة

..

بالراس احط اصواب و المخ اطشرة
خافن يفكر يوم ينكر العشرة

..

زيد بدلالك علي انة استاهل اهواي
ياريت لو شكلك حلو جنك مرت بباي

..

تسأل عليك الروح حاير شكلها
مدري انت نص الروح مدري انت كلها

..

ما مرة وحدي أمشيت من نمشي أثنين
لو أنتَ تمشي وياي لو دمعة العين

..

هالگد حلاة حط بيك جلت قدرته
حتى اليصلي الليل داخ وصطرته

..

هالگد حلاة حط بيك سبحانة قادر
بس الحلگ موضوع يترس دفاتر

..

هالگد حلاة حط بيك سبحانة ربك
خلانة مزدحمين دوم على دربك

..

هالگد حلاة حط بيك سبحانة قدوس
اليبوسك المفروض يتوضة ويبوس

..

هالگد حلاة حط بيك سبحانة باريك
دورلك على اوصاف حطهن شلع بيك

مع تحياتي اميرالاحزان 1985


(( منقــــــــــــول ))
ارجو الإطلاع على هذا الرابط للأهمية

http://www.alforat.org/showthread.php?t=22548

[محتاره]

قاسي الكلب وياي ما تــرحم شبيك
عمري كضيته وراح بس انت أهم بيك



روووووووعه عاشت الايااادي

لا تحرمنا جديدك

مودتىى

[اميرالاحزان 1985]

شكرااااا على مرور محتاره منووووووووووره

مع تحياتي اميرالاحزان 1985

[عمار الغزي]

هالگد حلاة حط بيك سبحانة قدوس
اليبوسك المفروض يتوضة ويبوس



تحياتي لك اخ امير عاشت الايادي

[ام فيصل]

مو حسره تطلع نار كل لحظه بجفاك
لو حسرتي تمر بيك چا حرگت شفاك

باقة رائعة من الدارميات ياامير
صح لسانك عزيزي
اختيار مميز
دام لنا ابداعك
مع تحياتي لك

[علي السلطاني]

تسأل عليك الروح حاير شكلها
مدري انت نص الروح مدري انت كلها
عاشت الايادي اموري الورد دارميات روعة

[اميرالاحزان 1985]

يسلمووووووووووووو على مروركم

شكرااااااااا لي ردودكم رائعه

مع تحياتي اميرالاحزان

[شاعر غرام]

قاسي الكلب وياي ما تــرحم شبيك

عمري كضيته وراح بس انت أهم بيك

الكلب قاسي اوياك لابد عله اسباب
يامر اتنفذ دوم لتحسبه طلاب